المشاركة الأصلية كتبت بواسطة sara1111

بصراحة انتي غلطانة وستين الف غلطانة اش تبي اكثر
انا زيك طالبة جامعية وعندي بيت اش كبره وزوجي يمنع دخول الشغالة لو يشوفني بموت مايدخلها كانه فايروس بيدخل البيت وكان يدعي المثالية على قولك بس بعلمك اسلوب جديد مشي معايا 100%
اولا التطنيش اش اللي كل مايقولك مقصرة تتجنني ترى هو كدا بيحطمك وفي النهاية حتوصلي الى مرحلة الجنان
مقصرة مقصرة(لايكلف الله نفساالا وسعها)مدام انتي عارفة نفسك بتسوي حقوقك كاملة انتهى الموضوع
كنت اترك اختباراتي عشان تنظيف البيت واجيب نتايج سيئة وراحت صحتي وانا انظف بدا البيت
بس الاسلام ماوصى بدا الشي لاافراط ولا تفريط لاضرر ولا ضرار ماانظف واهلك صحتي بالبيت على حساب نفسي اذا قلك قومي نظفي قوليله نظفت هو اش دراه انك نظفتي ولالا بس اهم شي رتبي البيت ماراح يتكركب لانه مافي غيرك وغيره وغسلي الاواني واخر الاسبوع اجمعي كل الغسيل وحطيه وغسلي بالمرة الحمامات وخلاص ولازم تجلسي معاه وتفهميه مافي انسان كامل قوليله روح شوف بيوت الناس والله صار لما يدخل زوجي بيت احد من اهله اوريه الفرق وكيف بيته انظف فصار يحمدربه عليا وسكت عني وصار يقوم يساعدني بشغل البيت وماقعدت ابكي لما يقولي مقصرة والوم نفسي زيك لا بل وريته اني مو مقصرة مقارنة مع الناس اللي حوليني وصرت اقومه مثلا يرتب الفراش يطبخ معايا وكدا حتى انا صرت اعامله احسن وصارت حياتنا احسن
انتبهي لحياتك والله يوفقك واذا قدرتي جيبي شغاله مرة او مرتين بالاسبوع تساعدك اقنعيه ولازم تصرحيه الله يعينك