السلام عليكم اخواني الاعضاء والمشرفين
انا اول مرة اشارك وياكم بالمنتدى واتمنى انها ماتكون الاخيرة ..
وبصراحة انا مااعرف للمنتديات ومادري هل طريقة الرد هذي صحيحة و لالا ..
بس الله يستر اذا بتوصل .

بالنسبة لموضوع الاخ badr انا غير متزوجة ولكن مقبلة على الزواج..
وانا بصراحة من الموؤيدين لفكرة الزواج بزوجة ثانية بسسسسسسسسسس اهم شي يكون فيه عدل بين الاثنين
وانه لو فكر ويبي يأخذ وحده على ..
انا الي اختارها له عشان احاول ادرس اخلاقها وشخصيتها واعرف اسلوبها شلون..
عشان مااتوهق بعدين واخسر زوجي بسببها , هذا اولا.
اما ثانيا ..اذا رفضت وقلت له ماتتزوج علي لاني ان شاء الله مو مقصرة معاك بالعكس بيركب رأسه وينفذ الي يبيه ولا عليه باحد فأنا مارح اجبره واخليه يسوي هالشيء غصبن عني ولا بدون علمي بل على العكس اشارك معاه واحاول اسعده حتى في الشيء الي ممكن يكون سبب لتعاستي لاني رح افقده نوعا ما بسبب ترتيب النوم والجلوس مع الثانية ..لكن راحته وسعادته بتكون عندي اهم .. هذا طبعا اذا كان انسان يستاهل هالتضحية ويقدر هالشيء لكن لو واحد فاضي وغير مبالي ويبي يتزوج بدون سبب وهو ماله حق مثلا راتبه قليل ومو موفي بمصاريف بيته ويبي وحده ثانيه لا طبعا صعب اني ارضى لانه في هالحالة حياتي رح تتدمر ..
ومادري هل كلامي صحيح اول لا .. ولكن من وجهة نظري اوافق على الزواج بأمراه اخرى ..
وارجو اني اكون وفقت في كلامي.
واتمنى ان تقبلوني اخت جديدة معكم بالمنتدى
ودمتم سالمين..