|
المشاركة الأصلية كتبت بواسطة ملَك شادي
اهلا حبيبتي
شوفي اقلك الرجال مابفكرو متلنا
يعني لما مابدو اياكي تروحي خايف عليكي
وشوفي صراحة احنا بنشوف الامور غير
هما بخافو علينا وبحسبوها من ناحية الغيرة والخوف والمعاكسات
واحنا بناخد الموضوع بساطة
فاحيانا بكون معهم حق
يعني كل الرجال هيك والله
احنا بنزعل من الغيرة او الخوف لكن مشي وعدي
يعني مااظن انو الغيرة تبعتو زائدة عن اللزوم
ازا بقدر المعقول اتحملي وطنشي
فماتزعلي كتير
اما لما بقلك وش عندك هناك
صدقيني انا متاكدة مش قصدو
حبيبتي الرجال احيانا برمو كلام مابقصدوه بمعناه العميق
يعني زوجي احيانا بقول كلمة عالماشي
انا بتعمق جواها وحالتي حالة
وبسالو حبيبي انا فهمت هيك هيك هيك انت هيك قصدك
بضحك وبقلي ماتعمقي الامور اكتر مما تستاهل
بسطيها
فهما هيك بياخدوها معنى ظاهري يعني ماقصد انو في شي غلط هناك بعيد الشر
عادي كلهم هيك
صدقيني
بالنسبة لهوايتو الصقر فاقلك اتركيه شوي عراحتو بزهق
ماتدقي كتير بتلاقي مل منها
اكم يوم جربي
وازا استمر وطول
احكي معو بهداوة ورومانسية
وصبي كل حديثك انك بتحبيه وبتحبي تقضي الوقت معاه وبتموتي فيه ومالك غيرو بهالدنيا
ودمعي هيك بس بالهداوة اهم شي
عشان ماتتخانقو وتزعلو
موفقة ياقلبي
|