تدرون وش العيب ؟!!
إنها لما يكون عندها ثقافه و خلفيه .. تشكون فيها و تقولون كانت لها علاقات و كانت لها كذا و كانت و كانت .. و تبدى حياة الشك و ممكن تنتهي بطلاق ..
و أصلا ما تستصيغونها اللي يكون عندها معلومات ..
و فعلا أستغرب من هالنظره .. يعني لو الحياة الجنسية خاصه بالرجال كان قلنا أوكي و سكتنا .. لكن متى بتفهمون إنها حياة مشتركه .. حياة ما تتم بدون وجود أحدهم .. يعني مثل ما أنت تبحث و تتثقف بعد هي بتسوي مثلك و تبحث و تتثقف و مالك أي أحقيه إنك تحاسبها أو تشك أو اللي هو ..
و لما تجيكم وحده ما تدري وش السالفه .. تتملمون و تقولون وش حنا متزوجين و تبدون بالتذمر و السب .. و تقولون انها ما عطتكم اللي انتم تبون ..
ولما نجي للممارسه لو بادرت هي أو ابتكرت أو تجرءت بأي شكل من الأشكال نرجع لنظره الشك و إنها وحده جرئيه و ما ادري إيش من الهواجس اللي تدور بروسكم ..
بعد هالكلام وش تبون منها ؟
طبعا هي علشان تريح راسها بتقعد ما تدري وش السالفه و لا راح تكون جرئه ولا شي بتقعد في مكانها و تنتظر الأوامر ..
أعتذر عن الاسلوب لكن فعلا هذا اللي حاصل عندنا ...
يعني لا تسألون ليش الخليجيه كذا . إنتم عطوها من اللي عندكم .. دلعوا .. عطوها الحريه بإنها تكون جريئه في تعاملها معك .. وراح تشوف الإبداع ..
و صدقني بما إني أعيش داخل هذا المجتمع النسائي الخليجي .. إنهم يحاولون بشتى الوسائل يظهرون بالمظهر اللائق و يحاولون و يهتمون .. بس انتم ما عطيتوهم وجه ..