كتر خيرك الفترة اللي قبل الأنجاب دي صعبة قوي
و انتظار الحمل الأول ده شئ صعب
انتي موظفة يعني شكوتك مش من ان عندك وقت فاضي
يعني مفيش وحدة
بس اكيد في حاجة بتضايقك اللي هي لما تكون العلاقة الزوجية كتير و هدفها الحمل
ممكن ده يكون هو اللي مضايقك
بس خدي بالك الموضوع ده مش بينفع
لأن لو انتي متوترة مش بيحصل حمل
سبيها علي الله
و خدي بالك بس من فترة التبويض
انا حاسة ايه اللي مضايقك بالظبط
كل شهر بتحلمي بأنه فيه حمل و تخافي علي نفسك من شيل الحاجات التقيلة
و بعدين تلاقي ألام الحيض تجيب الأحباط
بس حقولك علي حاجة
والله يا اختي الحيض مش ضيف تقيل
ده بفضل الله معناه ان عندك استعداد للحمل
يعني لو واحدة حيضها مش منتظم او مش طبيعي
دي اكيد وراها مشكلة
حاولي دايما في الوقت اللي جوزك مش موجود فيه
تروحي عند أهلك
حتنسي معاهم كل اللي يزعلك خصوصا والدتك
ومتصدقيش في ناس بيقولوا الواحدة لما تتجوز مفروض ما تروحش بيت اهلها كتير
ده كلام مش حقيقي زمان كانوا بيتجوزوا في بيت اهلهم
و بعدين لو مين احن علي الواحدة في الظروف اللي زي دي من امها و اخواتها
لأن الزوج انتي مش قادرة تشتكيله من تأخير الحمل
المفروض الموضوع ده تتجنبوا الكلام فيه بقدر الأمكان
طبع جوزك انه مش بيحب الخروج ده طبعه طول عمره مش حتقدري تغيريه في سنة
العمر قدامك طويل بأذن الله تحاولي تغيريه براحتك
ان شاء الله الموضوع الجاي تبشرينا بالبيبي
ربنا يعينيك و يصلح الحال
__________________
انا 
منتدي عالم الأسرة و المجتمع