فرجت وكنت اظنها لا تفرج..اللهم لك الحمد(مصدومه)
السلام عليكم ورحمة الله وبركاته
كيف الحال يا جماعه
ان شاء الله انكم بألف خير
اليكم وبدون اي تطويل تطورات موضوعي السابق
http://www.66n.com/forums/showthread.php?t=145840
اكتشفت ان تهديدات اخوي اصبحت جديه وصار يقط كلام بيني انا واهلي ويفكرنا ما نفهم شي(اقصد يفكرني انا ما افهم وش يقصد)
صار يقول (فيه واحد بيموت ولا احد يدري فيه)
انا ما صبرت ومن ثاني يوم رحت لطبيب نفساني ثقه وشاطر
وقلت له على القصه من اولها لآخرها
قال لي تصرفك خاطيء ( وانا اعترف )ولكن لابد من الاسراع بتعديل الموقف
ثقي يا اختي,(والكلام لا يزال للطبيب).انك انسانه رائعه بدليل انك تبنيتي قضيته وكنتي تقدرين تطنشين
والا كنتي تقدرين تقولين انه سفيه وصغير وما يقصد اللي يقوله حرفيا
قلتيا دكتور هذا اخوي وما اتخيل الدنيا بلاه والله وحتى لو طلعت السالفه هبل بهبل المهم قلبي يرتاااااااااااااح
المهم مالكم في الطويله
قال لابد من انك تعدلين الوضع وباسرع وقت
وتخلينه يتطمن ان مافيه لا مصدر امني عالي ولا شي
قلت خلاص انا مستعده واللي يصير يصير
مباشره خرجن من عند الطبيب ورحت مسكت اخوي وصارحته
ما تصدقون كيف كانت صدمته
والله كان بيطيح على الارض من الصدمه
قال
انتي!!!!!!!!!!!!!!!!!!!!!!!!!!!
وبكى
وبكاني معاه الله يسامحه
قلت ايه انا
انس اني اختك فلانه
وامي امك
وابوي ابوك
انا هنا صديقه
اعتبرني الحارس الشخصي لك
( مرتين خلال الجلسه اللي امتدت لساعه بكى)
اكتشفت انه مسكين مشوش
وحاسس بغربه وسط اهله
وفاقد ابوي مرررررره(ابوي في اخر سنه صاير مشغووووول مره ونفسيته مو تمام بسبب ازمه ولكن ان شاء الله بدت تباشير الفرج ولله الحمد والمنه)
قلت له وش سالفة انك تموت نفسك؟
قال خلاص انسي والله ما اسويها..
وحلف لي انه مو في باله شي بس يتفاجأ ببنات واولاد يجون يتحرشون فيه (لأنه وسيم مرررره اسم الله عليه..هو عمره 17 ولكن ان شاء الله ما يكمل 20 سنه الا وزوجته بيده وانا بنفسي اللي بدورها له وطبعا ابوي وافق ع الفكره والوالده تحمست)
قلت له وش مضايقك في البيت وانا اعدله لك
وطلعت طلباته والله من ابسط حقوقه بس الدنيا مشاغل وكانت بتحرمني من اخوي نظر عيني عسى ربي يهديه ولا يحرمني منه
وعدته ان ما اعلم احد (استغفرك ياربي) رحت علمت امي على انفراد وابوي على انفراد
خافوا
كانوا بينجنوووووووون
ابوي خبى الدمعه ومن نفس اليوم بدى يعدل الوضع
وفي نفس اليوم ربح ابوي صفقه بيكسب منها ان شاء الله 45 الف ريال في شهر بس..ومععكل شهر الارباح رح تزيد اكثر ان شاء الله
والبقيه تأتي
اللهم لك الحمد
اللهم لك الحمد
اللهم لك الحمد
يارب احفظ لي اهلي كلهم ولا تحرمني منهم واهد اخوي واصلحه وابعد عنه عيال الحرام
شاكره لكم تعاطفكم ...وهذي دعوه مني لكم لا تغفلون عن حبايبكم وانتبهوا لهم ...واذا شكيتم في اي شي لا تقولون مو صج والا مو ممكن يصير لنا
اي شي ممكن يصير الدنيا مو لأحد يضمنها
دمتم في رعاية الكريم
طلب اخير
اتمنى حذف العضويه ونهائيا لأنها تذكرني بأيام الهم والحزن والخوف
او تغيير المعرف الى الاسم التالي (خلاص ارتحت)
في امان الكريم