الحب يكون روتين لم يحوش الحب السكون مافي شي يحرك الحب ويجدده يعني انت تحبني وانا احبك وخلاص وكلنا نعرف هالشي ..مافي شي جديد طيب ليه ما تبين حبك او ابين حبي لك خلاص انا اعرف ان احنا نحب بعض او بالاحرى كل طرف ينتظر من الطرف الثاني يظهر حبه وبالمقابل الطرف الاخر ما يظهر او يساعد على اظهار حب شريكه لان خلاص المفروض وبالاجزام انت متأكد من حبي لك فماله داعي ابينه ..
عرفت الفكره السائده عند اغلب الازواج .. انا بتكلم عن نفسي يعني الحوار اللي كتبته لك يدور بيني وبين زوجي ... دايم يقولي اشتغل حق منو اتعب علشان منو علشانك انتي ولدك يعني انا احبكم طيب هو ترجم حبه بالشغل والتعب علشان يسعدنا ما فهم ان لازم يكون في شي اخر يحرك الحب اللي بينا خلاص مدامي تعبان علشانكم فضروري انا افهم انه هذا اسمه حب .. فالشغل شي روتين فيصير الحب اللي من طرف الشغل شي روتين فهمت شنو اقصد .. طبعا هذا الكلام من وجهة نظري وعلى حسب خبرتي ويمكن كلامي غلط .. واتمنى لو احد عنده راي يناقشنا فيه
اسفه على الاطاله
__________________
Nweerh