منتدى عالم الأسرة والمجتمع - عرض مشاركة واحدة - عاشقات حلم الامومة (نوفمبر 2007

14-11-2007, 03:42 AM

#145

غموض السنين

عضو مميز

تاريخ التسجيل: May 2007

المشاركات: 2,173

هلا وغلا بحبيبتي الزرافه

شوفي انا العام ربي رزقني حجه

يارب لك الحمد والشكر وكانت ايام دورتي بتجيني وقت الحج
صار معاي نفس شعورك نفسي منحرم من اي ركن من اركان الحج

لانك الطواف ماتطوفينه اذا جتك الدورة لاطواف الوداع والا القدوم والافاضه وهو ركن من اركان الحج
يعني اذا طفتي طواف القدوم وطواف الافاضه سقط عنكي طواف الوداع اذا جتك الدورة فهمتي علي

يعني طواف الافاضه لازم وهو ركن من اركان الحج مايقوم الحج الاباكمال اركانه
المهم اني قلت لازم استفسار وشوف

اتصلت بصيدلاني واستشرته قال مافيها مشكله ان شاء الله اذا تبغيني تحجين

وفعلا صرفلي حبوب طبعا كلتها بس كنت ماكلها بنتظم

سبحان الله يوم طوفت دورتي يمكن 7 ايام جتني الدورة سبحان الله بعد ماطفنا طواف الافاضه

يعني انا ماطفت طواف الوداع لان الشيخ كلمته وقالي سقط عنك طواف الوداع لانك طفتي الافاضه الحمدلله

ولو تسمعين مني انصحك بستخدام حبوب بعد استشارة دكتورة او صيدلاني عشان تحجين
لانها ايااام من اجمل ايام الحياة روحنيه لايمكن نسيانها من الذاكرة
ولو يقولون تحجين ثاني مرة راح اكل حبوب ثاني مرة

لان الى يخسر وقت او اي شعيرة من شعائر الحج ينقهر سبحان الله
والله يتقبلها مني ومنك ان شاء الله باذن الله ويسرها لك
ولاتنسين تدعينلي انا وخواتي بالازواج الصالحين التقاة النقاة وبنات قسم المتاخرات والمطلقات والارامل بالازواج وتدعين لاخواتي هنا بالذريه الصالحه عاجلا غير اجلا وهذولا مايحتاج اوصيك عليهم

لانك من نفسك باذن الله راح تدعين لهم صح

عارفه طولت عليك بردي بس ابغى اقولك تجربتي واخليك بالصورة

واي استفسار انا حاضرة

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

التعديل الأخير تم بواسطة غموض السنين ; 14-11-2007 الساعة 03:47 AM