اولا اشكر الجميع على الردود التي تثلج الصدر وتنور قلبه

ثانيا سوف ارد عليكم واوضح كل ماتريدون
كل انسان في الدنيا هذي خلق للعباده والعباده هي تعبد لله بالقول او الفعل

عملك عباده سفرك عباده زواجك عباده تنام مع زوجك او زوجتك عباده

انا صرت اكره العمل وانا عملي حر اي اني مو ملتزم بوضيفه رسميه اذا طلعت وينك رايح وينك جاي اذا شرحت لها الامر بعد ربع ساعه اتصال وينك بعد خمس دقايق اتصال وينك اقدر مارد عليها بس
ياجماعه انا عندي بنتين وولد قبل فتره احترق بيت الشعر واولادي فيه ومادري كيف نجوا بفضل الله وحده تعالى
قبل اسبوع ابني عمره سنتين طاح في خزان الماء تخيلو خزان الماء والله والله مادري كيف نجى لولا لطف الله ثم الخادمه طبت في الخزان وراه ماعاش لحضه هذا سبب يخليني ا رد على مكالماتها غصب عني لانها انسانه مهمله ولا همها احد
اولادي تخيلوا لاتشتري لهم اية ملابس ولو معها فلوس تقول ابوهم يشتريلهم طيب انا مو فاضي اروح كل شوي اشتري لاني ماحب الاسواق وين حنان الام لاولادها
تخيلو انا مثلا اعطيتها فلوس مصرف لها او في العيد اعطيتها فلوس رحت انا وياها عشان ادخل السوق لان الاسواق في الرياض عوائل اكثرها مثل المملكه والفيصليه وغيرها في حاجات قسم رجالي مثل الساعات ملابس تي شرت بناطيل كبكات اقلام باشتري شي لي تقولي لاتشتري انت عندك او اشترلي اقول عطيتك انا فلوس تقول لا انت تشتري بالاف الريالات ماهمك اشترلي معك طيب انا عطيتك حقك خلاص وتنفخ خشمها وتكرهني الطلعه او ترفع صوتها في السوق في حرمه ترفع صوتها في مكان عام ايش اعمل معها طيب
النوم الضهر اجي من المراجعه والعمل تعبان على ثنتين الضهر او ثلاث طول الوقت وانا افر في الشوارع عمل لي ولوالدي اقول بنام الان تقول بنام معك اقول انتي توك صاحيه من النوم تقول لا انت راح تغازل بالتلفون وانت ماتبيني او تكرهني هل الواحد اذا اختلى بنفسه يسوي غلط
تصحى بدري عشان تصحي بناتي للروضه تخيلو تفتح الباب حده ويسون الاولاد ازعاج اقول خلي في احترام للنوم تقول انت تعرف الاحترام هذا بعض تصرفاتها ولا ابغى اطول عليكم

ياجماعه الفتره اللي عشت معها السبع سنوات هذي باشرحها لكم كانت لي علاقه قبل الزواج علاقه مبنيه على الزواج من طرف واحد انا وبنت حبتني قريبتي كانت تحبني وانا كنت صغير العقل شوي مراهق بس كنت احكي بدون حب مجرد تسليه بس والله مافتحت لها باب الزواج نهائيا هي اللي تفتح وانا ارفض قبل الزوج بثلاث سنوات كان عمري تسع عشر سنه او 18 جاء الوقت اللي الاهل يفرحون فيه لابنهم وقالت امي لازم تتزوج وانت ابننا الكبير قلت اخطبولي قالو بنت خالك جميله وعايلتهم محترمين مره ابوها امام مسجد واخوها دكتور وغير كذا ان اهلها ابعيدين عنك وعن مشاكلكم وراح تتبعك على الخير والشر
وياليت ماسمعت كلامهم وعصيتهم ابوي كان رافض الزواج من اول قال لا هي فاهمتنا ولا حنا فاهمينها ابعد قلت لا كلام امي احسن جاء وقت الزواج والله والله والله ماشفتها الاوقت الزواج لاني قلت اسمع كلام امي المهم قبل الزواج قلت لقريبتي اللي تبيني للزواج قلت اللي بيني وبينك انتهى وقلت ذا الكلام والله لوجه الله بس
راحت الايام ستة شهور بعدها حملت زوجتي واقلبت مئه وثمانين درجه ياجماعه ماعطتني اي حنان مافي راحه طوا الفتره وغير كذا كرهتني حياتي خليتها تسافر لاهلها في الكويت الفتره هذي رجعت لي قريبتي بعد سنه بالضبط وحسيت معها بالحنان بالمعامله الحسنه لدرجة ملابس ماكنت البس ملابس زي الناس الا بعد ماتعرفت مره ثانيه لها اعرضت علي الزواج مره ثانيه رفضت وراحت الايام بين عتب منها وتغلي وتعليق شهر تجي وثلاثه شهور زعلانه حبيتها مره لدرجة ماتتخيلون رجعت زوجتي برضوه وقدرها كذا ......
راحت الايام والشهور والسنين بمشاكل وقرف وحياة لاتنطاق بتقولون من صاحبتك وهي اللي خربت بينكم
انا مشاكلي معها قبل ترجع صاحبتي وفي فترة تكون صاحبتي مو معي تزوجة قريبتي وفتره بسيطه تطلقت وحسيت اني لازم اتزوجها لانها راحت من ايديني بعد ماجابت الولد الثالث وسوت مشاكل اقروءوها في الردود التي قبل كذا
المهم تزوجت من قريبتي كنت متخيل اني بعيش احلى ايامي وكنت اتخيل انها الي بتنسيني اولادي وزوجتي تزوجت واعطيتها المهر الي تبيه بدون يدرون اهلي وقلت سمي ولبيه
سوينا الزواج وانبسطت معا فترة 10 ايام حتى اقولها اجلسي عند اهلك وتقولي لا انا ماقدر اتركك تعال
حملت زوجتي الثانيه والله والله انبسطت وزعلت انبسطت لاني بجيب من اللي حبيتها بيبي وزعلت انه متزوجين بدري وتونا نبي نعيش فتره بدون حمل ووجعت راس قلنا الخيره فيما اختاره الله توحمت علي زوجتي ولا اعرف الوحام والله والله والله ماكنت اعرف الوحام زين المهم فترة توحمها كرهتني ماتحب الجلسه ولا تضحك في وجهي يوم عندي وعشره عند اهلها حسيت بالخوف وماكنت احب انام لوحدي في البيت كلمتها كثير انا ماحب الاسلوب هذا كلمت امها قالت تستاهل تتطلق كلمتها كثير كنت في كنت في حاله نفسيه لدرجة مايعلم فيها الا الله وحسيت من تصرفاتها واسلوبها والعياذ بالله في بالها احد معين لدرجة حسيت انها تبغى الطلاق قلت وانا معصب وكنت اعرف ان هذا من المستحيل تسويه انتي تبين الطلاق نزلي اللي في بطنك قبل يجي اربعين يوم اذا تبين الطلاق تخيلو اجهضت نفسها قلت امكن من وبسامحها لانها حبيبتي يمكن غلطت عليها واذا فترة وحم ويعوضنا الله بخير رجعت الى النوم عند اهلها عرفت في الفتره هذي انها خلاص ماتبيني راحت يوم الثلاثاء الى اهلها بدون اذن مني قلت باعطيك انذار الى يوم السبت اذا ماجيتي راح اطلقك واعرف انك ماتبيني جاء يوم السبت وقلت ارجعي قالت لا قلت بطلقك قالت سوي اللي تبي
وأأأأأأأأأأأأأأأأأأأأأه طلقتها ورحت من ثاني يوم وجبت ورقتها كاني في واحد سحبني الى المحكمه وجبتها وقلت هذا الي تبيه لاراحمتني بنفسي ولامخليه رحمت الله تنزل علي اولادي اجيبهم من الكويت
قالت رجعني قلت انتي تبين الطلاق وقاعده تبكي رحمتها وحسيت انها جاده هذا قبل سنه ونص من اليوم وانا اتحايل عليها ورتني الويل كرهتني حياتي مثلا اليوم خلاص بنرجع بعد يومين انتها اللي بينا بدون سبب وسبب اعطيتها مثل مهرها وزياده لاني حسيت اني ضلمتها بالطلاق الى يومك هذا وهي على وضعها وهذي حياتي بختصار مع زوجتي الاولى وزوجتي الثانيه وانتو احكمو انا بغيت انسانه ترفع اسمي وتشد في ضهري