جزاك الله خير اختي صائمه ..

لكن انا ما شفت ولا بشوف وحده مثل ام زوجي حتى اولادها و بناتها يقولون امنا ما في زيها ..

لو تولعين اصابعك لها زي الشمعه .. ما تحبك .. لو تقبلين رجولها كل يوم ما تحبك ..

انا وسلايفي خدمنها عشرات السنين ما تحب ولا وحده فينا .. حنا 5 كنات ما تحبنا كلنا ..

وهي عايشه معي في البيت و كبيره في السن عمرها تقريبا 80 سنه لكنها يوميا تسبني وانا اضغط على

نفسي عشان ابغى الاجر والثواب و عشان زوجي طيب معي ما يستاهل اني ازعله ..

وانا بطبعي هادئه .. لكن اوقات خلاص ما اقدر اتحمل اهانات .. ارد عليها .

والله وكيلكم اخذناها عند طبيب نفسي وصرف لها علاج مهدئ ورغم ذلك تسبني ..

قبل دقايق جاني زوجي وقال لي اميرات ليه تاركتنا انا وامي وجالسه على النت .. قلت له لانها من دخلت

علينا المجلس سمعتها تقول ما احب اشوف وجهك .. فانا تركت المكان لها .. تركني ومشى لان مليون مره

سمع امه تسبني و تسب اهلي وتسب عيالي وتدعي علينا بالامراض والموت والشلل ..

انا اتعامل معها على انها مريضه نفسيا .. لكن والله تعبت لان صار لي 24 سنه وانا اتعامل مع هذه الانسانه

المريضه اللي حتى الاكل اللي اطبخه لها تشك اني حاطه فيه سم وما تاكله ..

اصلا العيشه مع انسان مريض تمرّض ..

ما اقول الا الله يصبرني عليها ..

أميرات ..