ممكن أفكر معك بصوت عالي ياعبير ؟


في حالة إنك توصلتِ وكلمتيه يا عن طريق مسج لتليفونه أو حتى كلمتيه وبعد إقتناع منه

تقدم لك وصار من نصيبك ، بتكونين راضية عن نفسك ؟ وماراح تهمك الطريقة اللي وصل فيها لك ؟


أترك الإجابة لك ..



ولو نفرض إنك كلمتيه بأي طريقة الأهم وصلتِ له ورفض عرضك وماكتب الله بينكم

راح ترتاحين ؟ وتنسين الموضوع ؟! أو بتحز بخاطرك وبتشيلنها بقلبك عليه ؟


لك الإجابة وبراااحتك



طيب ياعبير أنا بقولك شي لأني حاسه باللي فييك ، ماتتوقعين إنه اللي فيك بسبب الفراغ ؟!

يعني صحيح إنه معجبك ومعجب أهلك لكن لأنه فراغك كبير رجعتِ وفكرتِ فيه .. يمكن


في حالة إنه ماقدرتِ توصلين له أو وصلتِ وماصار نصيب وتــــزوج

ولازم تضعين هالإحتمال قدام عيونك وتتهيأين له

من الآن إقنعي نفسك إنه ماراح تتضايقين كثير لأنه الصدمة صعبة على القلب ياعبير

ومتأكدة إنك تعرفين إنه كل شي قسمة ونصيب .



طيب بقولك شيء أخير من باب المداعبة والتسلية لك وأكيد فيها عظة ..



أتذكر قريبة لي كانت تأمني على أسرارها ومن كانت صغيرة معجبه كثير بولد جيرانهم لكن طبعاً

ماأحد يدري أبداً ، مرت السنوات وهي ساكتة وكأنها تناست وجوده لكن بعد ماتخرجت من الجامعة

وجلست في البيت وبدأ الفراغ رجعت تفكر فيه رغماً عنها وصارت ترسم وترسم وحتى أتذكرها طلبت

مني إني أكلمه وبس أقوله فيه من بنات جيرانكم من يهمها أمرك !! وأتذكر وقتها كنت بنهاية المتوسط

وماقدرت وماكلمته وحتى هي صعبت عليها وكانت تدعي وتدعي لكن الظاهر ماجاب خبرها

وتقدم لها واحد ووافقت والحمد لله حياتها موفقة ونسته أكيييد

لكن الطريف في الموضوع إنه اللي تقدم لها نفس إسم ولد جيرانهم يعني أخذت منه شوي

وأنا كنت أقولها هذا من كرم ربي عطاك إسمه وصفات حلوه وحياة موفقة الحمد لله ..



الله ييسر أمرك ياعبير ويرزقك من حيث لاتحتسبين .