يا حبي لك بديتي تجمعين طبخات للغالي (الله يخليكم لبعض ولا يفرق بينكم )
شوفي غاليتي عندي كم ساندوتش سهل وسريع وما ياخذ وقت ابد ابد ومميزات تكشخين فيها قدام سي السيد
بقسمها حسب نوع الخبز المستخدم
ياحبي لي ما انعطى وجه بس يشهد الله من غلاتك وولك مكانه داخل قلبي ربي يعرفها سبحانه
بس حبيتي يفرق اذا الفطور بالبيت والا بتسوين الساندوتش وياخذها الدوام انا هنا بتكلم عن فطور بالبيت
نبدى بسم الله
خبز توست
مميزات الخبز مقارنه بالانواع الاخرى طويل الصلاحيه ولا يتلف بسرعه خصوصا داخل الثلاجه ويحتفظ بالليونه
توست بالتونه
المقادير :
4 شرائح توست
علبه تونه مصفاه عن الزيت
شريحتين خس
قليل من البقدونس
ملح. فلفل. مايونيز تقريبا ملعقه كبيره
الطريقه
نضع التونه مع الاضافات (يمكن تغييرها حسب المتوفر والمحبب) داخل الخلاط انا استعمل مفرمه البصل الصغيره وهي مهم تكون عندك
بعد خلطه جيدا نضع المايونيز ونخلط
تلاحظين الي تكون زي الكريم يدهن بالملعقه
ادهني التوست ويمكن اضافه شرائح طماطم او زيتون حسب الرغبه
واخيرا تقدم او توضع داخل الشوايه الكهربائيه وتطلع مخططه
تقطع لاربع مثلثات وتقدم مع عصير برتقال مثلا
وبالهناء والعافيه
ملاحظات الطبق :
- ممكن تجهيز التونه وخلطها من الليل وحفظها بالثلاجه بعلبه بلاستيك لليوم الثاني
- مراعاه ان التونه مفيده جدا ولكن رائحتها قويه لذلك يفضل تناولها وقت الاجازات (خميس-جمعه بعد الصلاه ) بسبب الرائحه.
توست بالبيض والجبن
رائع
المقادير
4 توستات
بيضه تقريبا
شريحتين من الجبن الشرائح
الطريقه
نمزج البيض مع الفلفل والملح في صحن واسع
نغمس التوسته من جهه وحده بس بالبيض وعلى طول على المقلاه المدهونه بالزيت الحار
نظيف شريحه جبن على التوسته الي بالمقلاه
ونغمس توسته اخرى بالبيض من جهه واحده ايضا ونضعها فوق الجين بحيث يكون البيض لاعلى
وبعدها نقلب التوسته مع الضغط حتى ينضج البيض
يعني البيض من برى والجبن بالوسط اتمنى فهمتي
وهي لذيذه اليوم مسويتها لزوجي
لو داريه صورتها قبل ما ناكلها
توست الحلوم
المقادير
جبن حلوم مبشور
زيتون اسود مطحون مع زيت زيتون يمكن صنعه بالبيت او شرائه جاهز
شرائح طماطم
جرجير
طبعا ما ننسى التوست
الطريقه
ندهن التوست بالزيتون المطحون
نوزع الجبنه اما مبشوره واما شرائح
نضع شرائح الطماطم والجرير (حسب الرغبه)
نضع طبقه التوست الاخرى
توضع داخل الشوايه الكهربائيه حتى يذوب الجبن نوعا ما
وتقدم بالهناء والعافيه
تعبت
اذا اعجبوك كملت
واذا ما كانوا على ذوقك عادي لا تنحرجين واي سؤال انا حاضره
تحياتي
دلوعه زوجي