الحلا : سينمون بالعيش الصامولي ( سهل وروعة وبسرعة يصير)




المقادير :

- كيس عيش صامولي صغير زي اللي موجود بالصورة .
- علبة نستلة حليب مركز كبيرة .
- جبنة كيري علبة كبيرة .
- نص علبة قيشطة قيمر .
- شوكلاتة هيرشيز اللي تجي سائلة .
- نص اصبع زبدة .
- قرفة ترش عليها من فوق .
- صينية طبعا خخخخخخخخ.





الطريقة :


1- اول شي تسويه رح تاخذي 8 حبات من جبنة كيري وعلبة الحليب المركز والقشطة وتخلطيها بالخلاط ويضرب ضربا مبرحا حتى يستغيث .





2- بعدين تصبي شوي من الخليط في الصينية يفضل انها تكون من القزاز اللي يدخل الفرن احنا ما قرنا نحطها بصينية قزاز نظرا لأنو صينيتنا عند ناس وما رجعوها المهم تاخذي العيش الصامولي وتقطعيه بالنص .. وبعدين بإصباعك الابهام تحفري بالخبزة شوفي زي الصورة .





3- وبعدين تجيبي الحبات الباقية من الجبنة الكيري وتقطعي كل حبة الى مربعات صغيرة .. تاخذي كل مربعة صغيرة وتحشيها داخل العيش وترصيها داخل الصينية مثل الصورة .





4- بعد ما تخلصي الزبدة خليها تذوب وبعدين حطيها فوق العيش





.. وبعدين صبي كل الخليط الباقي فوقها لين تصير مغمورة .. وبعدين رشي القرفة ودخليها الفرن مدة لا تزيد عن خمس او سبع دقائق .





4- لما تطلعيها خليها تبرد وبعدين بشكل عشوائي صبي شوكلاتة هيرشيز .



5- استمتعي واذا زاد وزنك انا مالي دخل .



-------------------------------------------------------------


عصير السندريلا





مرحبا يا سندريلا كيف تسوي عصيرك ؟


المقادير :


- كأ س من شرحات المنجا المثلجة .
- كأس فراولة مثلجة .
- ايس كريم فانيليا جيبي علبة صغيرة تقعد لك .
- سكر قد ما تحبي يعني فنجانين شاي او ثلاث فناجين سكر او قد ما تحبي .
- كأسين ماء .






الطريقة : -


1- في الخلاط اخلطي كاس ماء مع كأس المنجا وضعي فنجان السكر وبعدين صبيه في الكاسات اللي رح تقدمي فيها العصير حاولي تخلي عصير المنجا مركز .
2- اغسلي الخلاط بالماء وضعي الفراولة وكاس الماء الثاني وفنجان السكر واخلطيه ثم صبيه فوق خليط المنجا .
3- فوق العصير حطي قطعة ايس كريم بملعقة الايس كريم وتقدر تزينيه بشمسية او بملعقة مسروقة من باسكن روبنز خخخخخخخ .. ورح تحصلي على هذه النتيجة .


والف صحة وعافية ..

طب القلوب هو الاسعافات الأولية للروح