سلاااااااام

شفتي غموووض جيت صفحتك ازروك زي مانتي تجي تزورينا...

الموووهم يا ستي

شوفي انا اكتشفت اكتشاف وكنت اشك في نفسي واقول يمكن يتهيالي لكن بعدين قريتها بكتاب علم نفس واتاكدت وقتها انه استنتاجي كان صح،، وهو انه

الناس تتلذذ لما تشوف معاناة غيرها... يمكن اللي يسمعني يقول هذي معقده نفسيا لكن صدقيني لاحظي حواليك كل ما التفتي يمين او شمال ذكروك الناس بنقطة ضعفك او الموضوع اللي شاغلك وهامك..ممكن نقول بعضهم من باب المحبه (هذا نادر) لكن الاغلب يعملها عشان يغذي اللذه الي بداخله لما يشوف معاناة غيره..
المشكله انه الكتاب كبير ودي اجيبلك بالضبط الدكتور ايش قال في الموضوع هذا بس متاكده انه مارح القاه.

عن نفسي عمري ما قلت لاحد احسنلك لا تتزوجي والزواج غمه او لما اشوف بنت نفسها تتزوج اقعد انتقدها او الومها.. الزواج نعمه ولو ماكان نعمه ماكان ذكر في القران على انه جانب مضيء في الحياة الدنيا لو كان مو نعمه كان اعتبره القران على انه بلاء زي المرض كيف ذكر بالقران..
لكن (بعض) الناس فعلا نصيبهم يكون سيء فتلقيهم يا اما صبروا على ماهم عليه او طالبو بالطلاق..

سبحان الله وضعك يا غموض زي وضعنا في صفحتنا اللي تزورينا فيها لكن الاختلاف بالوضع الاجتماعي فقط لكن المواقف وحده والفكره في المضايقه ونظرة الشفقه واللقافه واللوم هي وحده ..فاهمتني انتي انا ايش اقصد بالضبط؟

فيه بيت شعر شفته هنا في المنتدى وعجبني حابه اقولك اياه لانه جدا اثر فيني وهو:

سأصبر حتى يمل الصبر من صبري........سأصبر حتى يحكم الله في أمري

في امان الله

__________________