المشاركة الأصلية كتبت بواسطة أم سفانة

السلام عليكم ورحمة الله وبركاته


هلا وعليكم السلام ورحمه الله وبركاته

عزيزتي


لي قريبات جداً مني يعانين من (( قلة ذوق البعض )) و (( قلة وعي من البعض الآخر ))


مو بس عندكم الله المستعان في كل مكان تلاقين نفس هالشريحه


واحياناً تأتي من اناس تشعرين بأن خلف هذه الدعوة مقاصد اخرى "اتحدث عن تجربة ليست شخصية بل عشتها و اثارت اعصابي كثيراً "


والله عارفه كلامك مايحس فيه غير الى مر فيه الله يعين بس

احدى خالاتي تفرح بدعواتنا وتقول ليش ما تدعون لي وتحكينااحيانا عن اللي يدعون وهي تشعر بالفرحة وتنبسط بهكذا دعوات .

أما قريبة اخرى فهي تتعرض وللأسف الشديد لضغوط نفسية بمجرد الحديث عن الموضوع وتحديداً إذا صدر عن احدى زوجات اخوانها "لو تمسك لها ولدها او أي شغلة خاصة فيها قالت : الله يرزقك بالزوج الصالح " وزاد الموضوع عن حده وصار يقهر .



لاحول والاقوة الابالله
مو عاد لهدرجه
الله يعينها بس


لا واللي تقول متى تتزوجين ولا ما جاكم احد يخطب ..أسئلة لمجرد تداول الأحاديث بدون تقدير للمشاعر مع أن الأنسان يستطيع ان يفكر في كلامه ويضع نفسه مكان الطرف الأخر وقتها سيشعر بقيمة كل كلمة تصدر منه.


من تقولين له يالغاليه
يحسبون اننا حنا الى مانبغى نتزوج
مو عارفين يعني ان الله ماكتب لنا زواج للان
والا فيه بنت تبغى تجلس بيت اهلها
لكن ناس الله مبتليهم
مايقدرون يمسكون لسنهم
مو عارفين ان الى عطاهم هالنعمه قادر يسلبها منهم
والدنيا دوارة
ودوام الحال من المحال

وقريبة اخرى تعاني من مشاكل صحية يقولون لها بعض عديمي الإحساس ... من راح يرضي ياخذ وحدة مريضة .. وللأسف مرات يوصل لها الكلام ومرات يتكلمن في وجودها فلانه ما تقدر على البيت والزوج صحتها ما تساعدها ... بالله عليك اي قلوب يحملنها وأي قلوب تتحمل هذه القسوة .



الى هناااااااااااااا احسها هذي قله ادب اولا مع الله ثم مع الناس
كيف يعني تحكمين انها ماتقدر تمسك البيت وانها عاجزة قدامها
كيف جالكم قلوب تتكلمون قدامها
حشى لله مهم ناس الله المستعان وحوش
كيف قدر السانكم يطلع الكلام قدامها
الله يرفع عنهم ولايبلانا
هذا والله ابتلاء من الله لهم
مايخافون من الله
مايخافون الى قدر يحط فيها المرض سبحان وتعالى يحطه فيهم والا ببناتهم
مايخافون البنت نفسها يوم ينكسر خاطرها تدعي عليهم وهي بحزة حزن




حسبناالله وكفى .


والله صادقه حسبي الله ونعم الوكيل


وجهة نظر :
(( افضل الدعوات في ظهر الغيب ... لآنها احرى بالإجابة .. ولأن الداعي في ظهر الغيب فعلاً إنسان محب ويقدر المشاعر ))


والله اعلم