[QUOTE=غموض السنين][SIZE="5"][COLOR="DarkOrchid"]

كرستالا ماشفتها من قبل امس عسى المانع خير
وان شاء الله ربي يفرحك يالغاليه بالحمل والذريه العافيه البار قريب مو بعيد
ويطلعون مكتشفين مثل امهم ومهندسين وطيارين قولي امين




اااميييييين بس ما نبغاهم طيارين اخوي طيار وامي متجننه بسببه...

الله يسعدك يا غمووض ويرزقك من جيث لا تحتسبين...

انا نفسي اقولك قصة زواجي لانها عجب سبحان الله ...

شوفي يا ستي انا قعدت سنه ورى سنه ادعي بالزوج الصالح لكن ماكان يستجاب لي (او بالاصح في وقتها كنت احسب انه ما استجابت) ما خليت اوقات استجابه او رمضان او حج او مطر او سفر او اي وقت استجابه ممكن يخطر على بالك وبرضه ماحصل..
اخر سنه صرت ادعي ارزقني يارب من حيث لا احتسب.. وكلمة(لا احتسب) اتحققت بمعانيها..

طبعا انا امي كانت تاخذني للزواجات والعزايم وتجمعات النساء لكن سبحان الله حتى لو اعجب احد فيني يطلع في الولد عيب يخلي اهلي يصرفوا نظر.. اليييين نقلوا جمبنا ناس توهم جايين من امريكا لانه ابوهم كان يحضر دكتوراه وبعدين اتعين دكتور بالجامعه فأجر البيت اللي جمبنا..
في يوم من ايام رمضان وانا وامي رايحين نصلي التراويح اتعرفنا على زوجة الدكتور بما انها جاره جديده وكذا ووقتها مره ما كنت مستعده يعني تدري لا مكياج ولا شعر ولا شي..
بعد فتره زوجها الدكتور اتصل بابوي وقاله ودي اتعرف عليك ..
جا الرجال واثره كان جاي يخطبني لولد اخوه !!
والله سهل الامور الحمدلله وتم الموضوع..
الغريييب انه بعد ما املكنا الدكتور جاه نقل لجامعه في مدينه ثانيه وجوا ودعونا وراحو..
يعني سبحان الله كانه الله جابهم لنا بس عشان يخطبوني لولد اخوهم وبس لما انتهت المهمه الله وداهم مكان ثاني..
( ايش ررايك بكلمة من حيث لا احتسب)؟؟؟

انا ركضت بالعروس ولاجاني شي من وراها لكن لما الله اراد شافتني الحرمه وانا في قمة بهدلتي ههههههه ورغم ذلك خطبتني ههههه..

ازيدك من الشعر بيت
بعد الملكه سالت زوجي انت بعام 2001 و 2002 و2003 و2004 وين كنت؟؟
قالي كنت بامريكا ادرس!!
يعني لما كنت ادعي واحسب انه ما استجابلي هو مو انه ما استجابلي ولكن هو انه نصيبي لسه بيدرس واصلا خارج القاره الاسيويه كلها !! شفتي كيف؟
وبمجرد رجوعه ربي ساقه لي...

النصييييييييييييييييييب يا غموض النصييييييييييييييييب..

ازعجتك بثرثرتي لكن حسيت انها سالفه تستحق انها تذكر...

احنا كلنا نحبك يا غموض الله يوفقك يارب..

__________________