بسم الله الرحمن الرحيم
السلام عليكم ورحمة الله
اسعد الله جميع اوقاتكم واتم عليكم نعمته ولا حرمكم اجر ماخطت ايدكم من دعاء لأبنتي
الحمدلله تمت عملية بنتي على خير وعانت وضع جدا صعب بعد العمليه وكانت عمليتها في مدينه غير
مدينتنا ورجعنا يوم الجمعه بالليل والبنت تعبانه مره وماني عارفه كيف كتب لها الطبيب خروج ويقول وضعها
تمام , وزادت حالتها من ارتفاع في درجة الحراره وترجيع واسهال والين نصف الليل البنت بدت تفقد الوعي
واخذناها لاقرب مستشفى خاص وتنويم الين الفجر وخرجنا على اساس نكمل علاجها في البيت ورجعنا
ويوم السبت المساء اطالع البنت وحسيتها مو طبيعيه وكانت مثل المخدره وذبول على وجهها ومو عادتها
لانها كانت على طول بكى بعد العمليه هالمره ماني عارفه ايش فيها ونصف الليل زادت حالتها واخذناها
للمستشفى وتنويم ومحاليل واشعه وتحاليل وفي الصباح اجتمعوو عليها الاطباء ووبعد الكشف اتبين لهم
انها اختلاطات مابعد العمليه ونسبة الدم 7/6 وينقلو لها دم على طول ويعطونها مضادات وبعد يومين من
الملاحظه والعلاج بدت تستقر حالتها وبدت تلعب وتضحك لي وخف بكاها والله يسامح طبيبها اللي عملها
العمليه كان اكثر اللوم عليه خرجها قبل وقت خروجها الشئ الثاني انه ماكتب لها مضاد حيوي الا يوم واحد
لما كانت بالمستشفى واللي لازم تاخذه لمدة خمس ايام على اقل شئ .
جلسنا في المستشفى ثلاث ايام وامس الاربعاء الصباح خرجنا بعد ما استقر حالها والحمدلله رب العالمين
ونورت البيت ويومها نمت وانا وقتها لا نوم ولا اكل ومالي نفس في اي شئ .
انا بطبعي قويه واتحمل واصبر صبر ماله حدود بس وضع بنتي احسه كسر لي ضهري وعلى كثر ماشفت
في هالدنيا الم وتعب بس مثل هالالم والتعب النفسي ماشفت والحمدلله رب العالمين .
والحين هي مثبته رجولها في الجبس وبعد شهر ونصف راح يغيره ويخليه شهر كامل ويارب تتم لها الشفاء
واشوفها تمشي وتملى البيت حركه ولعب
والحين باخذ فترة راحه نفسيه قبل تكون جسديه وجيت اليوم اطمنكم واريح نفسي بكتاباتكم
شاكره لكم اهتمامكم وتواصلكم ولي رجعه ان شاءالله لأرد عليكم جميعا
تحياتي لكم