انا اقولك اخوي
انا فيني بعض الي قلته في خطيبتك
كلمتي هي الاولى والاخيره احب الروحات والطلعات والتمشيات امشي بيت اهلي على العجين مايلخبطهوش تزوجت رجل
يجمعني انا وياه نفس الطبع من ناحيه وحده عنيد جدا كلمتي وحده مالها ثاني قيادي درجه اولى طبعا زواجي فيه كان تقليدي يعني ماعرفه من اول بس اسمع عنه تلاطيش كلام
اوكيه الا الحين ماشي مسكني ابوي قبل زواجي بيومين قال لي يابنتي الحياة تنازل الي في راسك حطيه تحت رجولك مابقى دمعه براسي الانزلتها حسيت ابوي يبي يعطيني درس ماعطاني اياه وانا جنبه لكن راح يعطيني اياه وانا بعيده وفعلا تعبت تعبت تعبت تعبت وعشت معه المشكله ماهو بالمستوى المادي حاول ابن الناس تقريبا انه يعيشني نفس المستوى الي عشته عند الوالد بس كان بالطباع والحين اخوي صار لي ثلاث سنين ونص وانا متزوجه وقاعده احاول اتغير ماهو عشان شي عشان بنوتي الي عندي مع اني احيانا وانا جالسه بيني وبين نفسي احس انه عندي انفصام شخصيه ماهو انا حتى اخواني لما اكون معهم ويعرفون اني مثلامن اول كنت مثل اكله معينه ونمر من عند المطعم نفسه يقولون لازم هذا ولا غيره اقول لا زمان اول تحول الحين لو تبوني اكل تراب اكلته
القناعه كنز لا يفنى اخوي انا بالعكس احيانا احس ان الوالد اقوى درس عطاني اياه انه خلاني ارتبط بالانسان هذا عشان يعلمني صح
زوجي دائما يقول لي انتي ماعشتي الحياة زين يعني كنتي تنظرين لها من برا مادخلتي جواها وفعلا فيه اشياء تعلمتها عنده يمكن اخوي تقدر عليها وتقدر تكيفها على كيفك بشرط واحد بس









انها تحبك اذا حبتك بتبيع الدنيا كلها عشانك
والله يكتب لك الي في الخير واستخر ربك اكثر من مره وحال تستشير اهلك الي يعرفونها