رد على الاخوات بحرينيه ونور

عندي ام واخوات بنات واخ وحيد
ام مسكينه ومغلوب على امرها طول عمرها تخدم ام زوجها وخواته بالغرم من كرههن الواضح لها والويل لها لو تذمرت او شكت وخوالي متزوجين عماتي وامي يتيمه
هي من زمان ماتشكي الا لنا بناتها وتردد متى مالله ستر عليكن وتزوجتن وتوظفتن ماراح اجلس عنده لان ولاحق من حقوقها يعطيه لنا سواء انها ساكنه معنا بالبيت وتاكل من الاكل الي بالمطبخ حتى المرض مايبيها تشكي منه
اخواتي انا افضلهن حال لاني موظفه
اخواني هو واحد كبييير والباقي اولاد عمي بسني واصغر وتربينا مع بعض وحاولت اعوض فيهم اخوي
المهم هم الان كبروا وبدوا يبنون حياتهم بعيد عنا وحتى عمهم بدون ينسحنون عنه وتذرعون بالمسئوليات الشغل والزوجات والاطفال واتوقع هذا احد اسباب غضب ابوي علي يعني لاننا عنده بالبييت زوجات اولاد عمي بيغارون مننا وبيمنعون ازواجهم من زياره عمهم كذا يعني
والله لو بياصلون عمهم مافيه قوه بالدنيا بتمنعهم خاصه شخص مثل ابوي ياخذاللقمه من افوهنا ويعطيها لهم بحجه انتن بنات ماتنفعني وهم عيالي مو انتن
عياله تخلواعنه بعد ماشبعوا الله المستعان
نجي لاخوي الشقيق او اكبر مني طيب جدا وبريييييي لدرجه اطفاله يلعبون فيه وضعيف شخصيه بالرغم من وظيفته ومركزه المرموق وشعاداته العليا
كان يحبنا جدا ويسعى لتعويض امي عن سوء معامله ابوي ولنا وله هو بالمقام الاول وياما تناقش معه وكاان يوفر لنا طلبات مدراسنا مهمها صار الله على ذيك الايااااااااااااااااااام
المهم الولد كبر ويبي يتزوج وابوي يمشي عند الناس ويسبه وهذا ولد امه وماينفع عشان مااحد يزوجه ويجي لاخوي ويقوله مالك الا بنت عمك فلانه اوترا انا مالي علاقه بك ولابروح اخطب لك
قاوم اخوي كم سنه ثم رضخ للامر الواقع هو وامي وتزوج بنت عمي اللهم ياكافي انسااااااانه انانيه لابد حد ماتبي الخير الا لها تقوم البيت ولايجلس لو اخوي وصلني عند باب المستشفى بس واستمر المشاكل بيننا
حنا وامي من جهه وزوجه اخوي بمساعده ابوي وجدتي الي حنا نخدمها وعماتي وطبعا اهل بيت عمي
من جهه ثانيه
اخوي ضاع بيننا وبصراحه خفنا عليه ينهار ويصير له شي تركناه له ولخبثها وصارت تكره فيننا وصبرنا على فقدان اخونا الحاضر الغايب ومازلنا صابرين ومو مشكله المهم يكون سعيد ومبسوط وهي الله بيعاقبها ومابيتركها وهو الحين مبسوط يقول ابوي صار يعتبره رجال ويقدره ولو لحظه حن علينا قلب ابوي عليه فيقلب هو مع ابوي وامي مسكينه وراضيه على طول الخط يعني اخوي بطريقته هذي كسب رضا والديه من وجهه نظره القاصره وحنا مو مهم مو مسئوليته بل مسئوليه الوالد وهو حر فيكن لو يقتلكن
واب البط عوام مثل مايقولن
سبحان الله ماجابت الا ولد واحد والباقي بنات الله يمهل ولايهمل
تدورن وش الي يصبرني هي امي وصبرها لما اتذكر حياتها الماضيه والحاضره واشوف صبرها وقوه ايمانها
استصغر نفسي وتهون علي همومي امام همومها لكن ودي اساااااااااااعدها واسعدها واعوضها