اعتذر عن اسلوبي المبعثر
وتو انتبه لردك اختي نور الاوطان
بالنسبه لاخواني انا عندي اخ واحد فقط واخوات اناث فقط من امي وابي
وليس لدي اي اخ او اخت غير شقيق من الجهتين
بالنسبه للباقي هم اولاد عمي وكانوا طوال فتره طفولتنا ياتون عندنا وابوي كان ومازال يساعد عمي لان عيال عمي كثييييييييير ويرحمه لكن ابوي زودها صار يفضلهم علينا لان راتبي ابوي شوي مايكفي فشخرته
فصار يضغط على امي وعلينا
عشان يلبي طلبات امه وخواته وعيال خواته واخوه وعياله وعيال اخوه الثاني المتوفى
يعني هم مو اخواني ابدا لكن انا طول السنين اقنع نفسي لاني محتاجه للسند لكن من شب لعى شي شاب عليه هم للان يعتقدون اهل هالبيت حديد واصنام لاتقهر ولاتحتاج ابداااااا والمروءه اختفت من رجال هالوقت
وكملت بعد زواجاتهم لدرجه ان وحده منهنزعلت وراحت لاهلها اكثر من شهر لان زوجها بات عند ابوي ليله بالعنايه المشدده ومن رجعها مايدخل بيتنا الا بالمناسبات الرسميه
ابوي بعد ماتقاعد واستقرت خواته وعيالهن وبناتهن وشافن احفادهن قالن لهن بالفم المليان الحين شف حيااااااااااااااااتك وعشها واملا بيتك عيال راح ابوي خطب ارمله اكبر منه وعندها عشره من زوجها الاول
وصار يهتم فيهم للان
ابوي عنده عقده الاهتمام بالغير باستثناء عياله طيب هو يايتبرئ منا والله يتولانا برحمته او يهتم بنا حالنا حال الباقي لايميزنا عنهم بشي
تصدقين لما كنا صغار وننجح يوزع هدايا النجاح على كل الاطفال ماعدانا وحنا واقفات وبالعيد يوزع ومازال العيديات على الكل كبير وصغير حتى الشغالات والسواقين ماعدانا حنا بناته
هذا ابووووووووووووو؟؟ مدري وش ذنبنا عشان يعاملنا كذا ؟؟ وانا بزياده من منعت عنه راتبي ؟؟مابيه يميزني عن احد ابيه يعاملني مثل خواته وبنات اخوانه وبنات خواته وبنات زوجته هو ليه يكرهنا؟؟؟؟؟؟؟؟
والقلب ترا مهما كان طيب بيسود مع الوقت
يالله كم ليله وانا طفله امرض مثل اي طفل واتذكر منظر امي تقبل حتى رجليه بس وصلها لاقرب مستوصف حكومي مجاني بدون فلوس يتمسخر ويقول العلاج مايفيد بشي
وبنفس اللحظه يروح يتطمن على عيال اخوانه وخواته النايمين بين اماتهم وابهاتهم
الله المستعان
اللهم اغنني بحلالك عن حرامك وبفضلك عمن سواك
اخواني واخواتي ماابي منكم الله يجزاك خير غير الدعاء لي ان الله يفرجها علي ويرضى علي ويلهمني الصبر وهدوء النفس وتقبل الحال حتى ياتي فرجه حتى لو كان الموت
والله اني احاول ارضي ربي لكن الامور احيانا تخرج من السيطره