اخواتاى الغاليات انا رجعت من بيتى اليوم و طبعا على طول على النت بس اخدت وقت على بال ما قريت كل الردود

اولا البقاء لله لاختنا فيفى و ان شاء الله يسكنه اللع فسيح جناته

هلا الف الف الف مبروك و ان شاء الله يتربى فى عزكم و تفرحى بيه و يكون ابن بار بس مقولتيش انتى سمتيه اييييه؟

كريستالا كل سنة و انتم طيبين و ان شاء الله سنينكم اللى جاية احلى كتييييير من اللى فاتو بأذن الله
كوكار يا سيتى مش كلب حراسة هى كلبة زينة و نوعها بيكنواه و هى صغيرة قوووووى ممكن تكون فى حجم القطط او اقل و فى انتظارك لسماع قصتك مع الكلب لاسى و هو نوعه "كولى" و هى فى الصورة كانت قاعدة مق قططتين لقيناهم فى بلكونتنا و كانو فاكرينها مامتهم و هى حبيبتى اظاهر انها حست انهم محتاجين الام ففضلت قاعدة معاهم تمثل دور الام

جميع حبيباتى اشكر كل من سأل عليا كلللللكم لكلكم و احبكم كلكم

زهور الدعاء
اولا انا مش زعلانة منك خاااااالص بس انا شايفة ان كلامك متأخر جدا جدا و انا كمان عاوزة اقولك ان فى اختلا ف دينى بين العرب كلللللللللهم يعنى هل ممكن تيجى بلد ذى السعودية فى التوامها بالدين لبلد مثل الكويت او الامارات مثلا و دول فى نطاق الخليج هل مصر ذى لبنان هلى تونس ذى المغرب اكيد لأ حتى فى الفتاوى كلهم مش ذى بعض و فى المتشدد اللى لبس المرأة نقاب و قال و جاب ادله كمان على انه فرض و فيه اللى مش متشدد و جاب ادله برضه انه فضل و ان الفرد بس فى الحجاب و دا شء عادى بدليل وجود 4 مذاهب و احب اقولك ان مفتى الجمهورية المصرية افتى و فى برنامج على الهواء و على الفضائيات ان الكلاب مش حرام و انها كمان مش نجسه اعتمادا على ان كل حى طاهر و هى كأن حى و لكنها تنقض الوضوء لكنها مش نجسه يعنى اذا لمسنا كلب نتوضى مش نستحمه عشان نتتطهر فهمانى فى الفرق
فمش معنى ان فى شيخ قال ذى ما انتى بتقولى "انتى بتحرمى عليا كمان حبى لكلبتى اللى ماتت و اللى انا مجبتش تانى بعدها" بتحرمى عليا مجرد انى اقول انى زعلانة عليها و اكيد كلامك صح انا مش براجعك فيه بس انابرضو فى شيوخ مقالوش كدة و اكيد برضو كلامهم صح
و عموما اذا حبى لكلبتى ذنب فاطلب من ربنا انه يغفره و يساعدنى انه يخف او ينتهى

بس احب اقولك حاجة اذا كنت بعمل حاجة غلط و انا عارفة انها غلط كان بالنسبالى لاااااايمكن انى ارميها فى الشارع او حتى اديها لاى حد عشان تموت و اكون انا اللى موتها من باب انها كلبة انا مقدرش اعمل كدة مقدرششششششش ابدا لا هى و لا غيرها لا يمكن اتسبب فى موت كأن حى ابدا ابدا و انا بقولك انها كانت حنموت و انا متأكدة من كدة بدليل انى لما سافرت فى شهر العسل هى امتنعت عن الاكل و كانت نايمة طول الوقت تحت سريرى و الحمد لله انى ماسافرتش غير 3 ايام لظروف الا كنت رجعت لقيتها ماتت و اذا دا كان حصل لانا معرفش كان رد فعلى فى جوازى كان ايه دا برغم من انها مع اهلى اللى عرفاهم و بتحبهم لكن انا كنت عندها شئ مختلف تماما و هى كمان كانت عندى مثل بنتى بالظبط بدون تقليل من قيمة اولادك ربنا يخليهم ليكى بس اذا تطلعى شعورك لاولادك و تحط جنبه شعورى لكلبتى حيكون هى نفس الغلاوة و نفس الحب و نفس كل شئ و دا اللى خلانى اقول انى لما ربنا يكرمنى و اجيب طفل معرفش ححبه ازاى
و احب اقولك كمان انى كلبتى كانت بتحبنى و هى مش عاوزة منى اى شئ اكلتها كتر خيرى مأكلتهاش كتر خير دا حتى لما ادوس على رجلها بالغلط هى اللى تيجى تصالحنى مش انا دا شئ مش موجود بين البشر
انا اذا قعدت احكى ححكى حجات كتيييييييييييييييييييير قوى و حيكون لسة فى حاجات المفروض تتقال

المهم انى الخصلك الموضوع
1- انا مش زعلانة منك
2- اختلاف البلاد بتعطى اختلاف فى التفاسير للمشايخ حتى فى موضوع الاحتفال بعيد الميلاد عندنا الشيوخ موافقين عليه من بابا ادخال البهجة على المسلمبن و انه مافهوش حاجة حرام بتتعمل "وجه نظر"
3- اذا حب كلبتى ذنب فهو ذنب انا مش قادرة اقلع عنه "برغم موتها" و اطلب ربنا يسامحنى لانه مش بايدى و اكيد مش حضحك على ربنا و امثل انى مش بحبها و انى مش زعلانه عليها
4- هى ماتتتتتتتتتت خلاص و انا معنديش كلب تانى بعدها برغم انى ممكن اجيب لكنى مجبتش احتراما لربنا و الى هو عاوزة منا
5- ان شاء الله حجيب كلب لما استقر فى بيتى عشان انا بيتى فى مصر فيه جنينه ممكن اربى فيه كلب حراسة فمش حيعيش فى البيت و كمان حيكون حراسة "يعنى مش حرام" و دا عشان انا احب اعلم اولادى "اذا ربنا اعطانى" العطف و الحنان و تحمل المسؤلية

و ارجوكى بلاش نتكلم فى موضوع كوكار مش عشان اى حاجة الا انى بكتبلك الكلام ده و انا مش عارفة امسك نفسى من العياط لانه موضوع واجعنى و واجعنى قوى كمان على الاقل انا مش قليلة الاصل و هى مش كلب و راح بالنسبالى خالص دى بنتتتتتتتى

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة