صباح الخير يا جميلات يا رب تكونو نمتو كويس و صاحيين الصحة تمام و الحالة النفسية تمام التمام

غموض حبيبتى ربنا يكرمك ياااااااارب و اشوفك عروسة و ليكى منى وصلة زغاريت منفردة و اهم حاجة يكون انسان يستاهلم ان شاء الله

رشروشا حبيبتى ربنا يطمنا عليكى و ان شاء الله ربنا ييسرلك كل الامور

برشا يااااااااااا رب يكرمك و ان شاء الله نفرح بيكى بس حابة اقولك حاجة مش لازم تظبط من اول مرة فهدى نفسك جدا جدا و اوعى تعملى اى تحليل الا بعد اسبوعين عشان جسمك دلوقتى فيه هرمون الحمل و ان شاء الله ربنا يثبت جنينك ان شاء الله و اطلب منك طلب تحكيلنا تجربتك مع التلقيح عشان كلنا نستفيد من تجربتك و ربنا يطمنا عليكى

ملوكة ليه متعمليش حجامة؟ جربيها مش حتخسرى حاجة و هى مش مؤلمة اضحك على تجربتى معاها انا بطبعى جبنة جدا و عندى فوبيا من الدم بتاع اى حد مش لازم يكون دمى فلما عملت الحجامة من كتر الخوف اللى كنت فيه دمى "هرب" و منزلش منى حاجة خااااااالص بس بعد مجربتها احب اعملها تانى لانها فعلا مش مؤلمة بالمرة بس لازم تروحى لحد مجرب عشان تكون ايده خفيفة و ان شاء الله تكون خير عليكى

الزرافة انا حاجى اخدك من ايدك و نروح نعمل التحليل عشان افضحك بالزغاريت فى المعمل ربنا يهيدكى روحى اعملى التحليل فى مثل عندنا فى مصر بيقول وقوع البلا ولا انتظاره يعنى اذا مكنتيش حامل نبقى عارفين و مش قاعدين على اعصابنا انا عارفة احساسك ربنا يكون فى عونك و اذا خير و ياااااا رب يكون خير متأخريش الفرحة علينا يا حبيبتى ربنا يعملك كل خير

ميا حبيبتى و اللهى احب ابتدى بجد بس انا مش مالكة اعمل اى حاجة هنا فى مصر خالص عارفة انا ممكن لما ارجع الكويت ابدئ معاكم و على فكرة انا الحمد لله حافظة جزء عم كله و بالتجويد كمان و يا ريت ربنا يقدرنى و اكمل اللى ابتديته عموما امهلينى لحد مارجع الكويت ان شاء الله

فراشة انا سالت على الاشعة امبارح قالولى انها تتعمل من اليوم الثانى الى اليوم السادس من بعد ما تخلص الدورة و اذا ربنا كرمنى حروح اعملها يوم الخميس عشان انا ميعادى مع دكتورى يوم الاربعاء اخد رايه بدك ماعمل حاجة من دماغى و ابوظ اللى هو بيعمله ربنا ييسر لينا الامور كلها تخيلى انى سألت على تمنها هنا لقيتها بـ 250 جنيه و اذا حبيت اتبنج حيكون تمن البنج بـ 75 جنيه لكن فى الكويت كانت حتتكلف 50 دينار يعنى الف جنيه و البنج بـ 50 ذيهم يعنى كانت حتخش فى 2000 جنيه خلونى اقول عماااااااار يا مصر بجد و الله يكون فى عون الكويتة

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة