هلا اخوي انا بحاول افيدك بالي اعرفه ..
اول شي مده تعاطى 6 سنين ترا موب سهله ابدن
وماعتقد ان مفعول الزقاره الوحده يجلس 12 ساعه !!!
بالكثير 3-4 ساعات .. واذا كان مدمن يمكن اقل .. على حسب كمية الحشيش الموضوعه ..
وايضا لها انواع منها الردئ ومنها الجيد وهذي لها فلسفله عند المدمنين والمروجين ( طبعا في عرف الحشاشين ) والا هي كلها قذاره .. وانتم بكرامه..
وهو مكلف ماديا .. يعني المدمن ممكن يدفع ي 200 ريال تقريبا لكل 3 ايام .. واحيانا يوم او يومين ..يعني شهريا لا تقل عن ال 3000 ريال ..
ودائما اذا كان الشخص مستمر على الحشيش فتره طويله تكون عليه اعراض معروفه ..
سواد الوجه والشفه .. سواد تحت العين .. بطئ في الفهم ( فهاوه غير طبيعيه ) .. نسيان شديد .. ممكن يسولف في سالفه ويدخل سالفه ثانيه ... وماينام الا وهو محشش .. متبلد احساس .. وقح في تصرفاته
اذا لاحظت فيه الامور هذي فاعرف انه مدمن من فتره طويله خاصه .. النسيان الشديد .. والفهاوه .. واعتماده علىالحشيش في امور كثيره .. مايقدر ينام الا اذا حشش .. وماينبسط اذا طلع الا اذا حشش ... الخ
وانتبه اخوي من جلوسك عنده اذا كان يحشش .. خاصه اذا كان المكان مغلق ( لان دخان الحشيش ثقيل ويثبت .. علشان كذا يعطي مجال اكبر لاستنشاقه ) يعني مجرد جلوسك عنده وهو يحشش تعتبر محشش معه .. على حسب استنشاقك لدخان الحشيش ..
المشكله الانسان اذا استمر على الحشيش حتى لو كاننت فتره قصيره يصير متبلد الاحساس .. ويتعلق في الحشيش .. وصعب يتقبل النصيحه ..
وعذرهم انه ماله ضرر كبير مثل ( الحبوب ) يعني كلها فهاوه ونسيان وبس .. المشكله ان الحشيش هو المسبب لاغلب الامراض النفسيه .. القلق الاكتئاب .. نوبات الفزع .. الشك والوساوس ..
غير اضراره الصحيه .. يضر الصدر ضرر كبير .. ويتلف الشعب الهوائيه .. وممكن يسبب امراض في المخ ..
نصيحه لك سو الي عليك وانصحه .. ترا الحشاش يخاف خاصه لو كان محشش .. جرب تبين له اضراره الصحيه وشف شلون يتاثر ..
او حاول تحسسه انك تتضايق منه .. ومع الوقت لاعاد تجلس معه كثير .. وحسه انه بسبب الحشيش..
اذا مافي فايده ابتعد عنه !
مهما كان .. لكن في النهايه يمكن يسحبك ..
وصدقني مادامه ولع الزقاره عندك هذا والله مافيه خير ! المفروض قمت وتركته ..
نصيحه لاتجلس عنده وهو يحشش .. ترا يمكن يجيك يوم وتضعف .. لاتقول انا وين احشش انا مافي امل ... كل المدمنين كانوا يقولون كذا ..
وبعدين ممكن تحشش ( تنصمخ ) وانت جالس معه .. خاصه لو كنت تدخن وهو في نفس الوقت يحشش ..
( راعين الحشيش دايما يحاولون يطيحون الي حولهم .. مايحب يحشش لحاله يبي الناس كلها مثله .. وايضا علشان يستفيد منك اذا بغى حشيش .. لانه مكلف ماديا .. )
اسف لاني طولت في الرد .. بس لاني مرت على مثل هالامور وحبيت افيدك
التعديل الأخير تم بواسطة www15 ; 26-11-2007 الساعة 12:23 AM