السلام عليكم ورحمة الله وبركاته

كيف حال الصابرات؟؟ اتمنى تكونو باحسن حال..

عاشقة الطفوله معشوقة الجماهير تروحي وترجعي بالسلامه استودعناك الله الذي اذا استودع شيئا حفظه ،، وشدي حيلك في مباراتك شوفي انا وكوكار اشترينا زمامير عشان تشجعك في المباراه كل ما تقربي من الهدف رح نزمر ( طووووووووووووووووووووووووووووووووط) عشان تتحمسوا الله يسهلك يارب ويعوض صبرك خير...

كوكار كيف مصر؟ ها بردت الدنيا ؟ انتي عارفه اجازة الحج العام الماضي كنا انا وزوجي بمصر قعدنا تقريبا اسبوعين كان الجو رااائع وانبسطنا مره كثير خصوصا عند مطعم ابو السيد دايما اطلب كوشري وفطير مشلتت يا سلااااااااااااااااااام...على فكره يا كوكار كنت ابغى اسالك (معليش هلكتك باسئلتي) دحين بعد ماعملت اختبار التبويض في يوم 15 من الدوره طلع الخط واضح بس في يوم 16 اختفى الخط! كذا طبيعي؟ وهل خلاص نوقف مباريات؟ يوم 15 كان فيه مباراه ويوم 16 برضه كان فيه مباراه واليوم 17 هل نعمل مباره ولا خلاص كفايه كذا؟ اصله اللعيبه عندي تعبوا اوي اوي

يورنا يااااارب تطلعي حااامل ويرزقك ربنا بالبيبي الكتكوت السليم المعافى..

الزرافه يا حبيبتي لو قلتلك لا تزعلي فانا اصير كذابه لاني الشهر اللي فات مريت بنفس موقفك وبكيت بكى وانا في الحمام لما شفت الهانم ويمكن هذا الشهر اذا جاتني ابكي اكثر اصله الانتظار وخيبات الامل صعبه على البني ادم خصوصا اللي حساس ..لكن املك في الله روحي الحج وادعي هناك وان شاء الله ربنا مارح يخيب املك..

ماسا ياست الله يكرمنا انا وانتي وبقية البنات الشهر هذا قادر يارب على كل شيء

ام المهدي ذكرتيني لما كنت بالجامعه كنت زيك حريصه كذا واخاف من الاختبارات وما ارضى بالعلامات الضعيفه ،، الله يسهلك امورك واظن هذا الاختبار حتاخذي فيه احسن علامه لانه كوووولنا دعينالك ،، يابختك يا عم..

ملووكه لا تخافي على الوالده من عملية القسطره بسيطه جدا ان شاء الله،، ام جيراننا العام الماضي كانت تشتكي زي امك من انسداد الشرايين وكانت تعبانه وبعدين الحمدلله سوولها قسطره مع عمليه صغيره والحمدلله شوفيها هذي السنه من احلى ما يكون الله يديم عليها وعلى والدتك الصحه والعافيه..

مياااا sauda اندين بارشا فيفي الله يكرمكم من اوسع ابوابه ..

__________________