ياما حلمت وحلموا لي الناس بالزوج القادم , لدرجة ماعاد أعرف وش بآخذ .. اتكلت على الله وعليه التكلان .

ماتحقق غير حلم واحد , وهو إني حلمت بشخص من قبيلة معينة - وماكنت وقتها أعرف أحد من هالقبيلة - المهم الرجال كان قصير شوي ولحقني وأنا أهرب منه وبالأخير طيحني بس كان عند راسي ناس كبار من قبيلته , وقالوا له ماتبيك , وراح عني ..
المهم بعد سنتين ونص جابت لي وحدة رجل من هالقبيلة , وافقت عليه , بس كان مطلق وقال لايمكن آخذ وحدة ماكلمتها وعرفت وش هي , رفضت أكلم واستمريت رافضة , وأصرت هي علي لحد ماأقنعتني , المهم كلمت وأعجب الرجل فيني , بس كان يدخن وأرسلت له بعد المكالمة إني هونت عنه , بعدين تحسفت وقلت للحرمة اللي جابته قولي له يرجع , لكن كان عنده عزة نفس ورفض وتزوج وحدة ثانية .. تحقق الحلم وفي الحقيقة كان الرجل قصير كما أخبرتني المرأة عنه ..

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك