اولا سلامة قلبك يارب
ثانيا يا غاليتي انا خلاص انكسر قلبي من ناحيته والله من اول الزواج بس كنت اكابر
من ناحية اهله محد يتدخل في احد
يسألون عن بعض بس محد يتدخل في احد
هذا غير ان محد مصدق انه مريض..بالعكس طلعوني دلوعه وما افهم وقمت احط عذر انه مريض

الدعاء انا دعيت ودعيت بس قلبي خلاص ما عاد يهمه والله

(ذكرتيني...كنت مرات اقوم اصلي اخر الليل ركعتين ..وهو نايم ولا قصدي يشوفني...كان طبعا ينام في المجلس..كنت اتفاجأ فيه يجي ويشوفني..يقول بلاها الحركات هذي ما تفيد...ولما اعتمرنا في مكه وخلصنا عمره تدرين وش قال. قال ترى ما تفيدك اذا هذا خربان <<يدق يده في راسي يقصد ان دماغي وصخ )
في آخر سنتين صرت مجرد قالب زوجه بس من داخل لا والله لا احمل له اي شي وكل يوم كان يمر كان يزيد اللي احسه ..بس كنت اشوف ولدي واسكت..
شي مو بيدي خلاص ما بأغصب نفسي عليه ابدا
انا ما احب الحياه اللي كلها تظاهر ...نفسيا اتعب...ما اقدر اجلس مع احد مو مرتاحه معاه فما بالك زوج وحياه كامله معاه...
انا ما طلبت الطلاق الا مقتنعه تماااااااااما باللي بيصير..
كزوجه:

لا اشتاق له
ما احبه
ما عاد اطيقه
احب اكون في مكان غير اللي هو فيه
ارتاح مع كل الناس الا هووووووو
اقسم بالله انه هو السبب
عنيد
راسه يابس
يحسسني انه احسن مني ومتفضل علي
ما ادري ليه؟

خلاص
النتيجه الطبيعيه طلاق
سبع سنين وهو يلعب بالطلاق صرت خلاص اتمناه مو بيدي
مرتاحه جدا وانا بعيده عنه
ولا عاد يهمني خلاص والله

اللي اطلبه انا الحين طريقه احصل فيها ع الطلاق وبكل هدوء
اهله والله لو اقعد سنين ما يدرون عني وعنه ما دام هو عاجبه وضعه ما بيحدونه ع الدكتور



الله المستعان
شاكره لك مرورك غاليتي