اخى الفاضل انا متكلمتش انه كان صح او غلط انا بتكلم ان الغلط لا يجزء يعنى غلط البنت هو نفسه غلط الولد

يعنى انا بقول للناس اللى شايفين ان البنت دى مش كويسه و انها لا تصلح انها تكون زوجة و اللى قال انه لا يرضى ان اخته او بنته تتكلم مع ولد على الماسنجر فمن باب العدل و الحق انه يقول كمان و انك كمان غلطان لانك اتكلمت مع بنت غريبة عنك و مش من محارمك و انك انسان اذا جيت اتقدمت لبنتى انا ارفضك لانك ذى ماتكلمت مع واحدة حتتكلم مع 2 و 3 كدة نكون ناس حقانيين

لكن اللى مش عاوز يتكلم مع بنات و اللى مش عاوزة تتكلم مع ولاد و اللى ميتجوزش على النت و اللى متتجوزش على النت كل واحد حر فى رأيه لان الناس عموما بتختلف من شخص لاخر و اللى انا اتقبله مش لازم مثلا اختى تتقبله لاختلاف الشخصيات

و نكون دايما ذى ما ربنا سبحانه و تعالى قال لسيد الخلق اجمعين سيدنا محمد عليه الصلاة و السلام فى سورة الغاشية " فذكر انما انت مذكر لست عليهم بمصيطر الا من تولى و كفر فيعذبه الله العذاب الاكبر ان الينا ايابهم ثم ان علينا حسابهم" يعنى نذكر منكونش قاسيين على الناس فى الكلام

و ربنا يهدينا جميعا ان شاء الله

و ربنا يهدينا جميعا

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة