الله يخليكم لاتملو مني ومن مشاكلي بجد محتاجتكم؟
صراحة انا جدا خجالنة منكم لاني على طول بكتب لكم مشاكلي ومشاكلي مابتخلص لكن والله والله والله اني مالي غيركم اشكيلو بعد رب العالمين واي مشكلة تصير معي احب اخذ رأيكم فيها وتنصحوني واشوف الغلط مني ولا من زوجي وبما اننا لسه متزوجين وانتو كلكم اجمعتو على انه هناك خلافات وسوء تفاهم بين الرجل وزوجته في بداية الحياة الزوجية لكن انا اطرح مشاكلي كي اجد الحل الصحيح من خبراتكم كي اجد النصيحة كي اجد المشورة منكم
راح احكيلكم شو صار امبارح بالتفصيل وانتو احكموا
انا كنت في دوامي وبعد الدوام عندي نادي اتصل زوجي وسألني هل من الضروري ان تذهبي للنادي اليوم قلت له لا عادي مو مشكلة في شي قال لي راح اخذك معي مشوار قلت له لوين قال انتي تعالي وبس قلت اوكي مو مشكلة صراحة انا فكرت راح ياخذني يطلعني نتمشى على السينما على البحر على المطعم على اي مكان بما انو ايام الخطبة كنا محرومين من الطلعات بسبب عدم وجود رخصة قيادة لكن الحمدلله من فترة بسيطة حصل عليها يعني الطلعات يلي رحناها بينعدوا بحكم ظروف شغلي وشغلو .
المهم رحنا على محل كان حاطط فيه نظاراته الشمسية لتبديل لون العدسة اخدهم وطلعنا انا قلت بنفسي ياترى وين راح يوديني ومبسوطة اننا طالعين شي اقل من دقيقتين وصلنا على المكان المطلوب بناية نزل زوجي دخلنا انا شفت البناية والله بعرفها انا مازرت هل الجماعة إلا مرة وحدة في رمضان لكني مانسيت البيت بيت صديقوا ومرتوا انا انصدمت يعني شلون جايين عند ناس ومابخبرني وانا طالعة من دوام تعبانة يعني مابكون الي خلق كون ضيفة عند حدا فكرت جاي ياخد شي ونرجع وكل مااكلمو يقول لي اسكتي خلص طلعنا سلمنا طبعاً انا ماني عارفة ليش جايين حتى يمكن صاحبة البيت كانت بالسوق ومو عارفة انو نحن جايين يعني رجعت بسرعة على البيت قبل مانوصل بشوي وانا كثير منحرجة زوجي وصديقوا طلعو ربع ساعة ورجعوا كان في عندهم شغلة خلصوها ورجعوا وظلينا شي 3 ساعات عند الجماعة .
طبعا لما رواحو صرنا نتحدث انا والمرة شوي اسألها عن اخبارهم يعني احاول انو نكون صديقات بس هي منحرجة وانا منحرجة يعني هاي ثاني مرة بزورهم بس كنا نتكلم لما رجعو للبيت سكتنا وزوجي قعد وحطو العشا واتعشينا وانا كل شوي اسأل زوجي ليش جينا هون بدي ارجع على البيت انا تعبانة كافي وهو مايرد علي اخر شي حن علي وقال خلص خلينا نرجع وطلعنا من عندهم .
ونحن بالطريق ماشفت نفسي إلا عند بيت ابن عمه لا ان اخوه كان موجود هناك وانا ونحن طالعين على الدرجة يااخي ليش جايين لهون بدي روح على البيت مايرد علي طلعنا قعدنا وهو مسك الكمبيوتر وقعد يلعب العاب ونسي نفسو واخوه الكبير قاعدة احكي انا وهو وعلى اساس الاخ الكبير ناطر مكالمة من برا بيحكي مكالمة ونرجع كلنا على البيت وزوجي ناسي حالو ولا حاس اني تعبانة بدي روح على البيت مابقدر استنى حدا واخ زوجي قاعد عم يحكي بالتلفون اكتر من تلت ساعة وانا تعبانة بجد من 6 الصبح وانا برا البيت بدي ارجع ارتاح مرت ساعة كاملة وانا ماحكيت شي بالاخر رحت عند زوجي قلت له ايمته رايحين واذ
بيعصب علي وانتي نكدية وانا عرفت انك مابتحبي الطلعات وماعاد اطلعك على مكان اني طلعتي زعلانة وان ماطلعتي زعلانة صراحة زعجني بكلامو وانا كنت مقهورة قلت له ليش يلي بيسمع انت وين وديتني على بيت صاحبك لا تمشينا ولا شمينا هوا ولا دورتني البلد ولو ماإلك شغل عند صاحبك ماكنت اخذتني معك اصلا ولا طلعتني على شو عم تمنني وصرت ابكي قمنا رحنا على البيت فورا حطيت راسي ونمت وصرت ابكي ولحد الأن لا حكي معي ولا حكيت معو بشي ولا عم يحاكيني ولا عم يطلع فيني امانة عليكم بدي أسألكم انا بشو غلطانة انا بشو غلطت والله ماعلمت شي يزعلو ولا يخليه يعصب
حتى اخوه سأل ليش بدكم تروحوا قال له زهقت منها بدي وديها على البيت وامي لما اتصلت علينا كمان قال لها نفس الحكي ماعاد طلعها وكلها نكد وانا ساكته مافتحت تمي بكلمة .
الحق على مين بهل الموضوع وهو مفروض يبدا يحكي معي .
__________________
--------