جيتكم من الاجازه بالاخبار الزينه
السلام عليكم ورحمة الله تعالى وبركاته,
اخواني واخواتي في ها المنتدى الرائع اني احبكم في الله...ها انا قد جئتكم بنبأ يقين والاشواق كلها لكم الحمد لله, عندنا مثل في البلاد يقول "ما يبطي السيل الا من كبره" ففي يوم الخميس الماضي خطبت بنت الحلال الي ما بيني وبينها اي علاقه او رابطه عائليه لكن سبحان الله النصيب جمع بينا,رحنا عند اهل البنت ورحبوا بنا وقلنا نبى النظره الشرعيه قالوا ما يخالف دخلت انا واخوها الصاله وجلست وما ادري الا تطلعلي من المطبخ بكاس عصير واستلمت منها العصير وما ادري الا انها راحت عني وقلت هذي مسالة حياة زوجية وهذي ما هي نظره شرعيه حسب سنة الله ورسوله وقلت لاخوها شوفني ما شفتها قال لي شوفها مستحيه -لكن بوسند راسه عاصي 
- قلت له ردها لي خلني اشوفها تمام والله جابوها مره ثانيه وجلست المسكينه بجنبي مستحيه وشفتها من راسها لما رجلها وتكلمت معها شوي والحمد لله ارتحت لها وقلت لهم بعد ما طلعت شفونا نبى عقد قالوا ما يخالف والله رحت البنك علشان اسحب المهر حصلته مبند
قلنا امر الله ما يخالف واشتريت لها سلس وخاتم من ذهب وقلنا ان شاء الله يوم السبت بنعقد وجاء السبت وحظي الحلو كانت اجازه قلنا ما يخالف امر الله يوم الاحد,رحت الاحد البنك وسحبت المهر ورحنا عند اهل العروسه والحمد لله تم العقد وجينا نبا نروح واتفاجا ابو البنت يقول لي شوف البنت تبى تتصور معك
بصراحة ارتبكت شوي وقلت ليش الربكه وهي زوجتي والله رحنا واتصورنا مع بعض وكانت لحظات وشعور فريد من نوعه اول مره في حياتي اتصور انا وبنت مع بعض,ونقول الزواج الاجازه الجايه أي بعد 60 يوم...الله المستعان ستين يوم بندفن في الحقل...الله يصبرنا ويكتب لنا الي فيه خير.
اخواني واخواتي آسف عا الاطالة بس حبيت افصل لاخواني واخواتي ان النظره الشرعيه حق لكل طرف وان الزواج حلو مره.
__________________
لا إله إلا الله عليها نحيا وعليها نموت وبها نلقى الله
تحياتي...
أحمد أبوسند