يمكن اعرض الكم صورة تانية
انا زوجة تانية
من خلال تجربتي بشوف ان الزوجة الثانية مظلومة
وهادا رايي بامانة
انا زوجي كان على خلاف مع زوجته وكانت دايم تسيب بيتها
ولانها مخلفة منه ما قدر ينفصل عنها لانه حاببان ولاده يتربوا بين ابوهم وامهم
وفي ناس كتير حكولي اشترطي عليه انه يطلق الاولى عشان ترضي فيه
لكن انا اخدتهامن ناحية تانية انه لو فرط في الاولى هيفرط في التانية
وفعلا اتزوجته وبعدها الكل لاحظ عليه التغيير
حتى اولاده حكولي ان ابوهم بعد ما تزوجني صار احسن معهم يقعد معهم ويلاعبهم
واهله كمان حكولي انه صار بشوش وبطل السهر زي الاول
لكني مع ذلك اشعر بالظلم
فكلما عرف حدا من معارفي او زميلاتي بالعمل اني زوجة تانية
اخدوا انطباع سئ سواء عني او عن زوجي
واجد نفسي في وضع الدفاع
حتى زوجته الاولى تعتبر زواجه مني مسالة كرامة
تتخيلوا انها اجت عليها فترة تحاول تقنعه انه يتجوز الثالثة عارفين ليش
عشان الرجل لما بيتجوز التانية المجتمع عندنا بيحط المسئولية والعيب على الاولى
لكن لما بيتجوز التالتة بيصيروا يحكوا انو عينه زايغة وبتاع نسوان