حبيبتى سعود ربنا يفرج كربك و كل ماتشوفى الدنيا ضلمت فركى ان لينا رب جميل و مباركنا فى ياقى نواحى حياتنا فمنسبش اللى معانا و منسعدش بيه و نشقى نفسنا باللى مش معانا و اللى مالناش حيلة فيه ربنا ينولك كل اللى فى بالك

الزرافة الكلام لسعود موجه ليكى برضو و ربنا يفرج همك و رجاء بعد ماتخلصى الاستغفار ادعيلنا معاكى فى دعائك لنفسك عشى اللى يتقبل منك و ان شاء الله لما تروحى الحج ربنا حيشرح صدرك و حتلاقيه يسرلك كل الامور بأذن الله

يورنا حبيبتى ربنا يخليكى لينا يا نوارتنا كلنا

شوشو يا جميلة المصرى منك ذى العسل بصى يا سيتى الترتيبات كانت كالاتى من اول اسبوع نزلت فيه روحت لدكتور عملت رجيم و الحمد لله خسيت 4 كيلو و كمان الاسبوع اللى فات روحت قصيت شعرى فورمة جديدة و كمان جبت لبس جديد عشان اقابله فى المطار بيه و ان شاء الله ناويه اخدله معايا ورد فى المطار و ححط ورد فى البيت و فى غرفة النوم حعملها جنينة يعنى

كريستالا حبيبتى بصو يا بنات انا زعلانك منكم اللى يضايقكم متسكتلوش رودو عليه اذا هو ماحترمش مشاعركم ليه تحترمو مشاعره حتلاقو الالسنة خرست ليه يا زرافة كل دا فى قلبك عندنا بالمصرى بنقول اللى يضايقنا بناكل مصرينه يعنى متسكتوش لحد و بجد حسبنا الله و نعم الوكيل فى كل اللى بيقصد يضايقنا و بجد بجد متسكتوووووش خالص و الناس ساعتها حتتلم

الفراشة حبيبتى و الله جو اهيد و خدى بنج ذيى اذا كنتى خوافة عشان الخوف ممكن يقفل الانابيب و حتطلع النتيجة غلط و على ايه البنج جميل و انا عملته ولا حسيت بأى حاجة و خلصت من وجع دماغها و ان شاء الله نتطمن عليكى و مش عارفة موضوع الطبيبة ده الدكتورة ذات السمعة الطيبة و اللى بتريحك نفسيا كملى معاها و على فكرة هى بتتكلم صح انك تنسى موضوع الحمل هو حيجى لوحده و ربنا يعطينا جميعا ان شاء الله

الفدى حبيبتنا روقى و سيبى تكالك على الله فهو حسبك و ان شاء الله فرجه قريب انا كمان ساعات سبحان الله الدنيا بتقفل فى وشى و بستغفر ربنا كتير الاقى الدنل فكت تانى ربنا يصونك من كل شر

فيفى حبيبتى شوفى انتى بتقولى ايه "كل الابواب مسكرة فى وجهى" الا بابه سبحان الله ادعى ربنا و استغفريه كتير و ان شاء الله يفرج همك و الف سلامة على بنتك و ربنا يطمنا عليها ان شاء الله

حبيباتى استغفرو ربنا كتييييييييييييييير قوى عشان يكرمنا و ان شاء الله كرمه قريب و اكيد احنا فى نعمة بس مش فاهمينها ولا حاسين بيها و لما حنفهم حكمة ربنا حنشكره على النعمة اللى كنا فيها

اندينا حبيبتى اخبار صحتك ايه طمنينا عليكى

حلمى قريب بجد بجد انا قلقانة عليكى جدا لعل المانع خير يا رب تطمنينا عليكى

زهور بكرة الخميس و انا حاقعد استناكى مالكيش حجة بقى

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة