بسبب حرارة الصيف خصوصا عندنا ما شاء الله و الحمدلله . . الانسان يحتاج بعض المأكولات الباردة اللي تخفف عنه حرارة الصيف . . و انا ان شاء الله كل يوم بكتب لكم وصفة جديدة و غريبة . . بس اذا لقيت التفاعل و التشجيع منكم . . خلااااص؟!؟! اتفقنا؟!؟!



نبدا بطريقة عمل الحلو . . . .




الخطوة الأولى :


نجيب علبة بسكويت أولكر ( أي بسكوت شاي ) ونطحنها طحن ناعم ، ونخلطها بزبدة ( تقريباً ثلاث أرباع قالب صغير ) + شوية من الزيت ( ويفضل زيت دوار الشمس ) ، حتى يصير المزيج لين ورطب وسهل التشكيل تقريباً . ونفرد الخلطة هذي على قاع الصينية .



الخطوة الثانية :


نجيب علبتين زبادي صغيرة ، كاس سكر واحد ، كاس وربع حليب بودرة .
نخلطه في الخلاط زين ونصبه فوق خلطة البسكوت .
بعدين ندخله الفرن ربع ساعة بس بعدما نولع عليه من تحت .
بعدين نحط الصينية في الثلاجة لمدة 3 ساعات أو أكثر .



الخطوة الثالثة :


نحط في قدر : 1 باكيت كريم كراميل الأخضر "اللي علبته خضراء" ، نص كاسة ماء أو أكثر بشوي ، ربع ملعقة صغيرة شوكولاته بودرة ، ربع ملعقة صغيرة نسكافيه .
ونحطه على النارونغليه ، وبعد الغليان على طول ناخذ منه بمغرفة أو ملعقة .. إلخ ، المهم نصبه بسرعة ( لأنه يجمد بسرعة ) على سطح الخليط الثاني المبرد بالتساوي .
بيطلع المزيج لونه اصفر شفاف "رووووعه و يشهي".
ونحطه في الثلاجة لمدة يوم كامل أو أكثر ..
وعلى فكرة كلما زادت المدة كلما كان أفضل ، ترى والله حتى طعمه يتغير ويصير حلووو واااايد .. يعني خذوها قاعدة : ( هذا الحلى يحب البراد ) !!



والف هنا و عافية على قلوبكم ان شاء الله . .



اختكم : دهن العود.