والله شف يا اخي بو فراس
لاحظ ان اول موضوع لي في المنتدى انا كتبته وانا مبتعده عنه
كنت عند اهلي وهو في بيته
انا ما جيت الا بسبب مشاكل
يا اخي انا ما اتذكر مر اسبوع على بعضه الا فيه قلق
اطول فتره مرت بدون مشاكل لا تتعدى شهر يمكن اقل
وايش كمان؟
حس اننا طولنا بدون مشاكل وافتعل مشكله وتهاوشنا
هذا انسان من اول اسبوع من زواجي انا بديت اتوقع الطلاق
حسسني من اول اسبوع وطيلة فترة زواجنا انه متندم اشد الندم على ارتباطه بي
مع انه هو واهله استماتوا علشان نقبل بهم
3 سنين وهو في مشاورات مع اهلي
كرهني الزواج وكرهني فيه
حاولت وحاولت
جيت على دراستي ووقفت قلت اتفرغ له
حملت وجبت ولد ولا فرح فيني والله
يحب وليد ايوه يموت فيه ولا يشوف الدنيا الا به
بس انا لا
تمر مواقف انا حسيت اني ملكه معاه بس بعد كذا تمر ايام وايام وشهور ودهور احس اني ساقطه هو تزوجها لا ومخدوع فيها ومرات يتصرف معاي بطريقة انه متفضل علي بزواجه مني ما ادري ليه !
سبحان الله يدور ع الزعل
ويبرر لنفسه الزعل
يقول انا انسان اشتغل واداوم
طيب وانا اشتغل اكثر منه واداوم قبله واخلص بعده
انا اشتغل في بيت وعندي ولد وهو عندي وطبخ وتنظيف وبيت دورين
اقسم بالله انه كان يجي ويذهل يقول كيف تسوين هذا كله لوحدك
انا اقول دام انك تنبسط مستعده ابني بيدي بيت ثاني مو بس انظف البيت
كنت مستعده لكل شي
ودست على نفسي واعصابي
وهو بإعترافه يقول تتحمليني؟
فجأه مرات يقول تحبيني؟
بعد كل اللي اسويه لسا تحبيني؟
انا انكسرت منه من اول الزواج بس كنت اكااااااااااااااااااااابر
كنت التمس له الاعذار
كنت اقول مو معقول انا اتطلق لذلك تحمليه
كنت اقول انا طيبه والله وعدني قبل 1400 سنه ان الطيبين للطيبات
مستحيل انا انظلم برجل
والله تعاملت معاه بالحسنى والكل ملاحظ عليه انه صار غير ومتميز
بس هو لا يقول انه تعب فيني يفهمني ويالله افهم
الناس كلهم نظرتهم لي غير نظرته هو
الناس كلهم فاهميني الا هو
هو رجل انا بسببه كبرت شكلا ونفسيا وعقليا مالايقل عن 10 سنين
ليه
لأني مو مرتاحه
قد ما اسوي اقابل بالرفض
طيب ما دام ان اللي اسويه زي عدمه ليش اجلس اجل؟
اتعب وبس؟
وولدي صاير ما يشوف الا نكد ومهاوشات
لا خلاص بلاها
هو يرتاح ويدور الزوجه اللي تفهم عقده وجنانه
وولدي يرتاح من القلق
وانا كمان ارتاح واروق والله يرزقني بسيد سيده
كنت اضخم حسناته في نظري لعل وعسى اقدر استمر
والا كل رجل يخدم زوجته في المستشفيات وكل رجل يغطي زوجته وهي نايمه وفيه رجال مسرفين على زوجاتهم بس كنت ابي شي يمسكني ويرغبني فيه
حتى لما ساعدته باللي اقدر عليه حسبها دين ما حسبها زوجه تحب زوجها
خلاص مافيه شي يربطني فيه الا وليد الله يستر عليه له رب ما ينساه بس هو خلاص
كفاها الله منه
__________________
[/IMG]