أم الدانة ..

لو قلنا لك إنه غلطان من راسه لرجليه ومقصر في حقكم وش راح تسوين ؟!

صدقيني ماراح يتغير شي من الموضوع لأنه زوجك هذا طبعـه وإنتِ تعرفينه أكثر منّا

سفر وبيسافر ، طلعات وبيطلع ، ومع ذلك واضح خوفه عليكم لذلك مابيده إلا إنه يرفض طلعاتكم لحالكم

وش بيدك غير الصبر والتصبر ؟!

وش بيدنا غير إننا نهدّيك ونوسع صدرك ..

صدقيني صحيح إنه وضعك يقهــــر ويحرق الأعصاب لكن لأننا نشوف أشياء أكبر ومشاكل أكثــر

نسهّلها لك وإنتِ بعينك تشوفين غيرك كيف حياتهم

وهذي هي الدنيا مافيه شي كامل ولا فيه شي على الكيف

والكل متضايق وفيه اللي منغص عليه حياته وشايل الدنيا على راسه

إذا قدرتي تكلمينه أثناء مايتكلم معك ويسولف عن طلعاته وروحاته إنه لكم حق مثل ماله

قوليله عن اللي يصير في غيابه وحاجتكم له وإنه أهله مش مسؤولين عنكم

شوفي ياقلبي وإنتِ تكلمينه لاتصرخين وواضح زعلك منه حاولي تضغطين على نفسك

وكلميه بهدوء إنه هو مقصــــر معكم وإنه هو سندكم إذا ماكان جنبكم مييين اللي راح يعوّض مكانه

وإذا إنتهيتِ لاتزعلين منه وتسكتين وماتردين عليه ، خليه يحس شوي إنك تعرفين متى تزعلين

وإنك تقدّرينه وماتكدرين خاطره مع إنك زعلانه عساه يحس فيك ويتغير شوي

معليش ياأم الدانة قلبي معك وحاسة أنا فيك لكن الشكوى لله هذا زوجك وهذا حاله

ماعليك إلا المحاولات معه مره واثنين وبإذن الله يسخره لكم ويتغير حاله وحطي في بالك

إنه حالكم الحمد لله أفضـــل من كثييير ناس علشان بس يطمئن قلبك وترتاحين شوي

وبالتوفيق لك يــــارب .