حبيبتي الي ماجرب الاشي مابقدر يحكم عليه ،،،
شوفي يا غالية انا سعيدة في حياتي ولاينقصني الا اهلي تصدقي
وفي البيت او مع اهلي لااااااااااشكو من الغربة الا نادر جدا لانو خلص هيك قدري ولازم اعيش حياتي بشكل جميل
لكن في حقائق الواحد بيقولها
الغربة صعبة حسب نفسية الانسان
نفسيتك ما شاء الله عليكي معقول هيك بتفكري؟يمكن لو تغربتي يتغير تفكيرك؟؟؟
لكن شي جميل تفكري بهالطريقة بتريحي راسك والله
الغربة مميزاتها متل محكيتي
بجد مرتاحين من كل الناس
وعاملين الي براسنا خاصة زوجي مابحب حد يقلو شي او يدخل ومستقل جدا
ويعني مالنا غير بعض
طالعين سوا
نازلين سوا
والغربة بتقوي وبتعطي خبرة وتجارب
وبتخليكي تعتمدي عحالك
وبتشوفي دنيا تانية
لكن مساوئها بجد انا اكتر شي مأثر فية اهلي بشكل فظيع
اضافة الى انو الناس الايام هاي ملهيين جدا في حالهم
لهيك اغلب المغتربين تكاد تكون الحياة الاجتماعية غير موجودة لديهم
يعني مافي عائلات وزيارات كتيرة وترابط
لا
يعني معارف قلال وعلاقات بسيطة
الحياة تغيرت
اذكر قبل رجوعي للوطن كنا في غربة مع اهلي
وفي فترة واحنا صغار اذكر كانت ايام جميلة
كان لدينا اصدقاء كتار
ولديهم ابناء في سننا
ونطلع رحلات وزيارات
وشغلات حلوة غير موجودة نهائيا بغربة الايام هاي
الزمن تغير
انا احن للحياة الاجتماعية للمات والجمعات لانو كتير بحب الناس والخلطة لاني اجتماعية وبحب يكون الي معارف وصداقات كتير
لكن هيك الدنيا متغيرة فعلا
ثم انت بتحكي محددة عن الغربة
ما المشكلة انا بحالتي مثلا مابعرف امتى نرجع بلدي
لانو المشكلة بلدي ظروفها سيئة جدا
لاعمل لا مال لا امن لا استقرار
فبتحسر احيانا بتمنى نرجع لكن برجع اقول نرجع شو نعمل؟؟؟
يعني بالنهاية الحياة بتمشي ولكل شي مساوئ ومميزات
لكن الشيئ الاكيد الي الكل بيشعر فيه
انو للغربة مرارة لاتزول ابدا مهما طال الزمن
شكرا الك غاليتي الله يوفقك ويحقق امانيكي لكن بدون غربة
نسيت اقلك
بالنسبة للنت وبيقصر
المسافات والكلام هادا
اقلك انو النت بيهون شوي يعني بنلاقي شي نحكي عليه
لكن صدقيني لاتعوض عن شي
لما احمل واكون بحاجة لامي بجانبي كيف راح يفيدني النت
اوكي راح نحكي وهيك
لكن مافي احلا من وقوف الام بجانب بنتها
لما يصير عندي ولاد
كيف حيحسو بجدتهم وجدهم
عالنت؟؟؟
النت وسيلة اتصال
وبلا نكزب عحالنا ...النت ابدا لايعوض عن القرب المادي والمعنوي الحقيقي القرب الجسدي
مافي احلا ولااروع من دخلة الام والاب على بنتهم في بيتها
ولافي احلا من الاخوة والاخوات وهما بيزورو اختهم
والله قرات الرودو وضحكت لما بشوف انو في ناس بيقولو::: والله الغربة كتير حلوة
هههههههه
اوكي فيها فوائد
لكن بضل غربة اكيد مش اشي روووعة يعني
واحنا مابنشتطي بالصورة الي متصويرنها
عايشين الحمدلله مبسوطين
لكن الواحد بيحس وعندو مشاعر بالنهاية
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت