مو عارفة شو احكيلكم
الي ايدي بالمي مو متل الي ايده بالنار
انا مثلا
اردنية وزوجي فلسطيني
زوجي مايقدر يجي يعيش معي بالاردن ولا انا بقدر اروح معو عفلسطين
انا وحيدة امي مالي خوان ولا خوات بس الي قرايب كتير احبهم مثل الاخوان واكثر
ا
ابوي متوفي
يعني امي الله يعينها ويصبرها عايشة لوحدها ، وهي كبيرة بالعمر 70سنة ما شاء الله
وانا متغربة عنها وغربتي مو مؤقتة دائمة لانه مستحيل ارجع اعيش بااردن لان زوجي مو اردني
واحنا عايشين بقطر
شو بتعرفو عن الشوق للام والخوف عليها وهي مسنة ووحيدة
شو بتعرفو عن شعوركم لما تمرضو وتكونو عارفين ما حد عندكم
انا حامل ومن بدري بفكر لما اولد شو بدو يصير معي من بدو يقوم بمرضي وتعبي بعد الولادة
لما اكون وحيدة ومالي حد احكي معو ولا اشوفوه اشكيلو عن احزاني ويشاركني افراحي
زوجي مهندس ودوامه طويل كتير
واغلب الوقت لحالي
امي ما بتعرف تستخدم النت والكمبيوتر
شو بدي احكي لاحكي
خلو كل واحد بهمو
والواحد ما بيعرف قيمة النعمة الو هوه فيها الا بعد ما يفقدها
الله يلم شملي انا وامي
__________________
[CENTER]لئن سئلتني يا رب يوم القيامة عن ذنبي لاسالنك عن رحمتك
ولئن سالتني يا رب عن تقصيري لاسالنك عن عفوك
ولئن قذفتني في النار لاخبرن اهل النار اني احبك
كفاني عزا ان تكون لي ربا
وكفاني فخرا ان اكون لك عبد
التعديل الأخير تم بواسطة حبيبة محمود ; 09-12-2007 الساعة 11:57 AM