|
المشاركة الأصلية كتبت بواسطة سلامات يا قلبي
اهلا وسهلا فيك أختي اي من كنتي
بشكر شعورك الطيب
بحب اطمنك مني تعبانة لانو ما عرفت غيرها لاقارن
تعودت عليها واذا رحت لبلد عربي او لديرة زوجي بضوج وبمل وبحس حالي هنيك غريبة أكثر
هي الغربة بتخلي الواحد احن وهنيك بتعرفي معدن الانسان
ولو لاحظتي اغلب ردود رقة وإحساس هي ردود المغتربين
شوية من ثراب بلدكم عندي احسن من افخم هالمنازل الي بكندا
بس مافيني اقنعك لازم تجربي لاتفهمي حكي
شو بينفع هالمال إذا ما فيك تحضني امك
الانترنت ما بيخليني اشم عطر امي ولا ريحة بيي
ولا اشوف تقاسيم وجه خيي
ولا طبخة ستي
بنسافر وبندرس لولادنا بحسن الاكاديميات ونلبس ماركات و و و و
بس في شئ ناقص شي مابيخلينا نحس بالسعادة
في فراغ ما بيمللأه الا الاهل
والوطـن وريحة التراب
لاقلك شئ يمكن ما تصدقيه
ريحة التراب وقت بتشتي ببلد أبي دائما بشم هالريحة وما عم تفارق انفي
تراب عن تراب بيفرق ووطن عن وطن بيفرق
وع فكرة ما حدا بيموت بسب الغربة
الغربة الشئ الحلو فيها بتتقربي كثير من ربنا
وهذا الي بيصبر
ما جربتي تدعي كل صلاة انك ما تمرضي بس لانو ماعندك حدا يهتم في الاولاد
ولا تولدي بمستشفى لا حدا يجي يزورك حتى زوجك لانو مهتم بولدك الثاني لانو صغير وممنوع دخول
الاطفال للمسشفى
ولا جربتي انك وقت يكون زوجك عنده دراسة بولاية ثا نبة كالي حصل معي هالاسبوع ضلني يومين
محبوسة ببيتي بسب الثلج
ما حسيتي وما بتعرفي شو هو الاحساس الي عم نحسو و الناس عيد
ولا تلبسي ولادك ملايس العيد ويضلو يـنطروا وشو ينطرو و لاشئ
عندكم بتاخدونهم لبيت التيتة و الست
انا أخدهم لمين
التيتة راح تبوسهم بالنت ولا تعطبهم عيدبة بDHL
والا بالفاكس احسن
ما بتعرفو شئ الله يرضى علبكم لا تحكو
وبتحكي انو بالغربة تقارب وانتيمتي بين الزوجبن
بقولك سطحي من يفكر انو الحياة الزوجية هي ثخت وبس
موصوعك صراحة عصبني كمثل موصوع قراته مدري عن وحدة تشتكي من ا لعنوسة وانو ولا حدا طرق بابها وتجي الاخت في رد من أجذب الردود الي قرأتها
ليش ما تتزوجي 
سيبو كل من فيه شئ بداخله
ولا تفتحو ااجروح |