معليش مافيه مشكله كبيرة تستدعي الطلاق
هذي المشاكل موجودة في بيوت كثيرة وبكثرة
زوجتك تغلط ايه ,, لكن الحل ليس الطلاق وواضح من كلامك انكم ممكن تتفاهمون وتوصلون لنتيجه
حرام بنتك تضيعها وتتشتتها عشان مشاكل بسيطه
لاتقول مبذرة وتغالط نفسك ..انت تزوجت وسفرتها ورجعت وسكنتها في بيت ست نجوم على قولتك واذا رحت لمكه تسكنها احسن الفنادق ؟؟
بماانك مقتدر محد بيلومك ؟؟
انت اللي خربتها يابو الشباب يعني زين لك وشين عليها ؟؟
صح لو كنت على قد حالك وماتقدر بتقدرك لكن ماعليك قاصر وماتقصر على نفسك ليش تقول انها مسرفه
الخروج للسوق مشكله 99,9 % من الرجال يعني موب انت لحالك ,,وهذي ضريبه من ضرائب الزواج
زيارة اهلها شي طبيعي واحمد ربك فيه ناس كل يوم يروحون لاهلهم وفيه ناس يوم ورا يوم وهذا ايضا ليس سبب وجيه يعني بتوديها كل شهر مرة ؟؟ ترا الحريم مو مثل الرجال عاطفيات ويبون اهلهم دايم
بعدين اصبر شوي اذا كبرت مسئوليتها وكثروا العيال وصارت ماتفضى قعدت في بيتها مع اني اشوف مرة في الاسبوع شي مناسب ولو طلبت انها تنام عندهم الخميس ترا عادي مايستاهل الموضوع تطلقها
اما العيد عاد يرجع لكم وانتم تتفاهمون بس ترا عادي لو عيدت مع اهلها لانها بتوف اقارب لها يمكن ماتقدر تشوفهم الا ايام العيد ,,,وسلام القاطع يوم العيد ....بعدين يااخي العيد مايجي الا مرتين في السنه وهي معك 365 يوم في السنه مايستاهل الموضوع تطلقها عشان يومين
اهتمامها بالمنزل الله يهديها مالها حق المفروض تقوم وتكرف مع الشغاله حرام الشغاله تشتغل لحالها في هالدور اللي وش كبره ومسؤليه بنت الله يعينها هالشغاله عسى ماتموت من التعب .!!!!!!!!!!!!!
اعقل شوي الاهمال هنا مو اهمال منها في شغل البيت اهمال منها في توجيه الشغاله بعض الشغالات والله مدري وش يجون يسوون في بيوتنا كلش حوسه وكل وصخ ومايتحركون الا بنغز
قل لها حرصي الشغاله ..وبس موب تطلقها
بعدين لاتنسى انها موظفه وترجع من الدوام تعبانه وماجابت شغاله عشان تكرف معها
اما الاهتمام برايك فهذا ليس مبرر للطلاق واعقل بس وخير ياطير ماقصت اظافرها طيب يمكن هي تحب تطولها هي مطوله اظافرك انت ؟؟ والبيت زي ماهو بيتك ترا هو بيتها من حقها تغيره بالشكل اللي يعجبها ورايك لو حبت تسمعه كان بها ماحبت بكيفها اهم شي ماخربت شي ولارمت شي
ويمكن ذوقك ماعجبها اذا تحكمت في لبسك او في سيارتك او في حلاقتك يحق لك تزعل
لكن شي ثاني ممكن يزعل بس مايوصل للطلاق وين المرونه ؟؟
الك بتلقاه مع اكثثر النساء خصوصا مع ظهور زواج المسيار اللي مايكلف الرجال شي فهذا تصرف طبيعي س انت تقارن العزوبيه بالزواج
صراحه كل مشاكلك تفاهات وحكي فاضي اسمح لي استقرار بنتك اهم من هالشي ...
ماعندك مشكله مالها حل لو الرجال يفكرون مثلك كان الله المستعان نصف الحريم في بيوت اهلهن
بعدين وين الايجابيات هداك الله معقوله اربع سنوات معها ماذكرت شي يستدعي بقاءها معك
كبر مخك واحتوي مشكلتك ولاتعتقد ان الحياة سهله وبسيطه ومافيها مشاكل ....
والمثل يقول من طلع حظه عظيم فيعرشه (((عظيم يعني عظم )