أنا عندي اربع سلفات و آنا اصغر وحدة فيهم لان زوجي الله يخليه آخر العنقود وبالنسبة لي ما اغار منهم لاني واثقة من نفسي وانا الافضل بينهم من ناحية الشهاده و الحلاة والرشاقة والسناعة بشهادة الكل واكبر سلفه فيهم كانت ساكنه بيت حمولتي (مكاني حاليا) ودايما تسولفلي انها كانت تشتري حق زوجي حلاو وكاكاو يعني انا زي بنتها بس السلفه اللي قبلي مباشرة احس بل متأكده انها تغار مني لان تصرفاتها تبين ومرات اذا صادفتها بمكان عام تعمل نفسها ما شافتني واكثر من مرة انا ابادر بسلام بس بعدين قمت اطنشها واهي تموت من الحرة و تقوم تتقرب مني باختصار انا ما ارتاحلها بس انا مااشوفها الا مرة بلاسبوع اعاملها بالاصول بس بدون مااشيل الرسميات لاني بطبيعتي اضع حدود في علاقاتي بس وحده من سلفاتي انا كتير احبها قلبها ابيض وطيوبه مره