حبايبى الكتاكيت بساء الخير من القاهرة

غلا جلاجل ربنا يعافيلك ابنك بأذن الله و يثبتلك حملك و يفرح قلبك ان شاء الله

كريستالا الحمد لله انك بخير و طمنينا عليكى و على فكرة مامتك ذى مامتى بحس ان الموضوع فارق معاها اكتر منى صبحان الله ان شاء الله لما نجرب حنفهمهم اكتر و اوصيكى بانك تدعيلى و تدعى لكل الاخوات (عندنا فى مصر بيقولو كشفت راسى و داعيت "بصراحة مش عارفة ليه" و واحدة صاحبيبتى مسافرة بسم الله ما شاء الله تحج فقولتلها اول ما تشوفى الحجر الاسود تشيلى الطرحة و تديها دعا و بقولك انتى كمان اهه عشان ميكنش عندك حجة ) طبعا بهزر و ربنا يتقبل منك و من زوجك باذن الله
"اه يا غموضه يا ليتك جارتي انا والله كان كل يوم انتي عندي ولا انا عندك الييييين ما نمل من بعض" وانا الله؟ مش حاسيبكم حقعد فى النص هه
"يا بنات ابغى اقولكم شي ...

ايش رايكم نعمل توقيع موحد بيننا ... يعني شفتوا موضوع ( حيوزه حق اشعال الامل) في قسم اخواتنا المتاخرات (اسال الله ان يرزقهم الزوج الصالح) كلهم حطوه وصاروا زي فريق واحد ..
فانا قلت ليش ما احنا هنا في قسمنا نعمل توقيع موحد ويكون توقيع متفائل زي اللي انا حاطاه بتوقيعي" كريستالا انا معاكى قلبا و قالبا

اختنا الحزينة ان شاء الله تظبط معاكى المرة دى و عندنا بيقولو الرابعة طابة و ان شاء الله تغيرى اسمك للفرحانة ربنا يرزقك من حيث لا تحتسبى بأذن الله

مشاميشو حبيبتى المصرية بصى يا سيتى انا فى الكويت بالظبط من 28-03 اللى فات و ان شاء الله راجعة يا فى يناير يا فى فبراير و عن حالة زوجى هو عنده قلة فى عدد الحيوانات بس اعتقد و الله اعلم ان العسل ظبطته مع العلاج و كمان هو الحركة مش تمام و الاشكال المظبوطة كبيرة و عملنا مرة تلقيح بس كانت اى كلام و ان شاء الله ناوية اعمل مرة تانية لما زوجى يجى ان شاء الله و عموما ربنا معاكى و قوليلى عاملة ايه فى الكويت عارفة تتصرفى مع الدكاترة هناك؟ ولا ناوية تنزلى تظبطى الدنيا فى مصر ذيى؟ و على فكرة وصفك لنفسك مطابق ليا تماما انا كمان بحب المقالب و الشقاوة ذى عنيه و كمان زوجى بسم الله ما شاء الله اكوط من بـ 30 سم

اختى حبيبتى سعود كتر خيرك و ربنا مش حيضيع تعبك ابدا بأذن الله

اختى الزرافة ربنا يتقبل منك و من زوجك باذن الله و الكلام اللى فوق اللى موجه لكريستالا موجه ليكى برضو انا عاوزة دعا "بحررررررقة" يمكن ربنا يفرجها علينا ان شاء الله

يورنا حبيبتى ربنا يتقبل منك دعاكى لينا و ليكى باذن الله يا بنات عاوزين نزعرت بقى بقالنا حبة متوقفين عن الفرح و شدى حيلك فى المبارايات خدى جوزك من ايده و اقفلى الملعب عليكم و متخرجهوش الا لما يجيب جون

اندينا حبيبتى ربنا يطمنا عليكى و ان شاء الله ربنا يخيب ظنك و مش حتيجى

شوشو حبيبتى هو المركز اللى حتابعى فيه حيقفل فى العيد انا اعرف ان النسا مش بقفل و خصوصا الحاجات دى عموما ربنا مش عاوز تلقيح الشهر دا ادوها مباريات و ان شاء الله فريق المنتدى حياخد الكاس

غموضة الحلوة انتى اللى جميلى يا جميلة كفاية طيبة قلبك و لسانك اللى بينقط سكر يا سكر ربنا يطمنا عليكى و يفرح قلبنا بيكى ان شاء الله

زهورة الجميلة و زهرة منتدانا الغالية "خلاااااااااااااص مفهوووووووووووم" حاضر يا أبلة و انا معملتش شقاوة المرادى هم البنات الوحشة اللى عملت انا لأاااااااااااااا لاالاالاااااااااااااا
المهم انتى طمنينا عليكى اخبار نفسيتك اسه و نفسية العائلة عندك ان شاء الله كل الاحوال اتحسنت

برشا حبيبتى شكرا على الؤال انا كنتى فى بيتى عشان ابص بصة على الجنينة و اشوف احوال الجناينى عشان جوزى موصينى عاوز ياكل خضرة من الجنينة فرحت اشوف الاحوال المهم انتى اخبارك ايه؟ و جهزتى نفسك لمبراتك الشهر دا ولا لسة "اعملى خطة لاستقطاب الهدف"

اختنا الدلوعة 24 اولا الف مبروك على الحمل و ربنا يثبتهولك بأذن الله عموما انتى لازم تورحى للدكتورة عشان ممكن تديكى حقن تثبيت اذا كانت حالتك محتاجة لحقن و ان شاء الله يكون شوية اجهاد ذى ما مامتك قالتلك

فلور انا بخير الحمد لله و ان شاء الله انتى كمان تكون فى احسن حال و طمنينا عليكى يا جميلة على طول و متقطعيش

حبيبتى الزاجلة سالت عليكى العافية المهم طمنينا عليكى و على الوحم عامل معاكى ايه؟

حبيبتى ماسا ان شاء الله مش حتنزل الدورة و بصراحة انا معرفش رد على سؤالك و حبيبتى ابعتى لزوجك رسالة على موبايله تعتزرى و بها بعض الكلمات الرقيقة و انتظرى ساعة مثلا و كلميه و صالحيه

راميا حبيبتى الف بعد الشر عليكى وسيبى تكالك على ربنا هو اللى بث الروح فى جنينك و هو اللى قادر انه يحفظهولك و ان شاء الله تفرحى بيه

الامل البعيد حبيبتى انتى دايما فى القلب و مش عاوزاكى ابدا تزعلى نفسك على اى شئ مش فى ايدك تعمليه ربنا عنده العفو ان شاء الله و اذا كنتى محتاجة الرجيم بتاعى اكتبهولك بس انتى تأمرى

ملوكة حبيبتى الف حمد لله على سلامتك و نورتى بيتك و ان شاء الله تكونى مطمنة على طنط و احنا فى انتظارك عشان تطمنينا عليكى و على مامتك فى امان الله

الفراشة الجميلة انا عن نفسى بخير و الف حمد و شكر ليك يا رب و ان شاء الله حعمل الفكرة بتاعة بحبك على الاباجورة و ان شاء الله تعمل شغل "ادعيلى"

باقى البنات ليكم حبى و لحلمى قريب عليكى كل القلق طمنينا ارجوكى

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة