اقتباس:
|
المشاركة الأصلية كتبت بواسطة غـاليــة
الإحبــاط والإنسحـاب ليس حــــل !!
أغلب البيوت ( تشتري ) رجـــال
إبحثــوا وأسألوا وتفائلوا وثقوا بأن من توكل على
الله كفـــاه كل شيء .
|
يحليلك ياغاليه تحسبين كل الناس مثل بيتكم ((يشترون رجال))
تعالي اقص عليك وعلى اخواني قصة اخوي الكبير لما تزوج!!!
بعد ماتخرج واشتغل وفتحها الله بوجهه (اخوي)من حيث لايحتسب قرر انه يتزوج
وانا اذكر في وقتها كان عنده فائض بحدو 300 الف ريال..المهم ذكرتله اختي صديقتها ومن جماعتنا
قال طيب اخطبوها لي بس المهر لايطلع عن 40 الف طبعا امي وخواتي استغربوا مو معقووله بنات فلان (بنت جلا وطلاع الثنايا محرر القدس رائد الفضاء فلان بن فلان)) قالهم شوفوا غير هالكلام ماعندي يبون الله محييهم وطبعا هو مو بخلا وانا كنت مقتنع بتصرفه!! المهم فعلا اهل بنت طلاع الثنايا طلبوا بس مهر 100 الف ريال ناهيك عن المصاريف الثانيه!! المهم ابوي واهلي قالوله عيب هذي بنت فلان ياخي لا تدفع حنا ندفع لا تفضحنا !! قالهم والا كلمه اقسم بالله مااخذها لو كانت اخر بنت بالدنيا..المهم بعدها شافوله وحده ثانيه وايضا المهر..لدرجة ابوي غضب على اخوي ((فضحتنا وسودت وجيهنا)) واخوي يبتسم ويقول يايبه راح يجيك العلم الغانم بس اصبرررر..المهم بعد كم وحده خطبوها اهلي حصلوا له وحده من جماعتنا لكن وضعهم المادي عادي جدا...وطلبوا مهر 30 الف تعرفين ياختي غاليه كم عطاهم اخوي مهر ؟؟؟ ويوم صار كتب الكتاب ووافقوا الطرفين فاجا اخوي الموجودين ودفع مهر 100 الف ريااااااااااااااااااال!! تخيلوا!!
والله هالقصه اخذت صداها بكل المجتمع اللي حنا فيه وفي المدينه كلهااا....وتعالي وشوفي ردة الفعل!!
الاهم من هذا كله اخوي كل يوم اشوفه الصبح وهو اسعد انسان وزوجته هذي ملاك وليست بشر بتعاملها وطيبتها حتى على صعيد الرزق والله اخوي يكسب الان اضعاف ماكان يكسبه حتى انه استقال من وظيفته واتجه للاعمال الحررررررررررررررره.
شاهدي من كل هالكلام .((اقلهن مالا اكثرهن بركه))
على فكره بنت ((طلاع الثنايا)) عمرها الان 31 سنه وماتزوجت الى يومك!! احتمال مالها يد بالموضوع يمكن اهلها بس اتصور قصة اخوي درس لكل ولي امر!!!
__________________
التعديل الأخير تم بواسطة الميترو ; 13-12-2007 الساعة 03:14 PM