يا حبيبتي ربنا معاكي ان شاء الله بس انا برضه مش فاهمه يعني انتي في مصر وجوزك هيجيلك تعملي الحقن وترجعي الكويت تاني وهو جاي امتي بالسلامه ان شاء الله
نفسي اعرفك اكتر يعني انتي منين من مصر؟ وعندك كام سنه؟ قاعدين فين في الكويت؟ جوزك بيشتغل ايه؟
عملتي الحقن المره اللي فاتت عند مين وعتعمليها المره دي عند مين؟

مشاميشو الجميلة انا نزلت اجازة قبل زوجى بشهر و نصف عشان انا كان عندى وجع فى جنبى و مكناش عارفين دا ايه فنزلت اتعالج منه و كمان اعمل اشعة الصبغة عشان عندنا فى الكويت حتتكلف 100 دينار بالبنج و هنا فى مصر اتكلفت 200 جنيه بالظبط و هو نازل اجازته السنوية و قلنا نستغلها بالمرة و حنعمل تلقيح صناعى مش حقن مجهرى و اذا ربنا مكتبلناش المرة دى يبقى حنعمل الاجازة اللى جاية الحقن المجهرى و حقترح على الدكتور اننا نجمد السائل المنوى عشان ميتطرش ينزل تانى اذا منفعش اول مرة و كله على الله و هو ان شاء الله جاى بعد اسبوع

و انا من المهندسين فى مصر و عايشة فى السالمية فى الكويت و جوزى مهندس معمارى و عندى 31 سنة و متجوزة من 4 سنين و 3 شهور و عملت التلقيح عند دكتور هنا فى المهندسين بس فى بعض الخطوات اللى تمت معايا كانت غلط و المرة دى بعمل عند دكتور عنده عيادة و مركز اطفال انابيب برضو فى المهندسين و سبحان الله قدام بيتى على طول و ربنا يجعله سبب من الاسباب اللى تحققلى حلمى


واستنيت النتيجه لوحدي ونفسيتي تعبت جدا خاصه لما عملت التحليل وربنا مكتبش نصيب وقعدت شويه لوحدي علي ما رجعتله فحسيت ان انا اتبهدلت قوي من غيره حاسيت انه كان لازم يبقي جنبي كان هيخفف علي كتير

حبيبتى طبعا وجوده كان مهم بس انتى لازم تكونى انشف من كدة و تجمدى قلبك شوية عشان الام هى اللى بتشيل كل الهم من اول الحمل الى مماتها هى شخصيا فمعلش حاولو تانى و فكرى فى موضوع تجميد الساءل المنوى ده اهو يوفر تذكرة الطيران

فصممت المره الجايه لازم يكون معايا هنا هناك مكان ما ربنا يقدر المهم يكون معايا

نصيحتى ليكى اعمليها هنا فى مصر عندك فى الكويت الاسعار فلكية يعنى من 1200 الى 1700 دينار فحتى اذا كان فى استطاعتكم تدفعو المبلغ ده اعتقد انكم اولى بالفرق حتى تتصدقو بيه و هنا فى مصر حتتكلف 10000 جنيه بس

لما تنوي قوليلي وان افكرك بشويه حاجات ان شاء الله تكون سبب في نجاحها وربنا يتملك حملك علي خير ويرزقنا جميعا بخلف صالح معافي يكون لنا قره عين دنيا واخره امين يا رب

ربنا يخليكى بس انا عندى فضول اعرفها دلوقتى يمكن تنفعنى حتى فى التلقيح اللى حعمله

و ربنا يكرمنا جميعا بأذن الله

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة