السلام عليكم

اشكركم أخواني وأخواتي على ردودكم والي ردو وقالوا انه هالشي مني انا كتبت في البدايه اني صح عرفته من النت والدردشه لمده معينه وقصيره خمس شهور بس وبعدها عرفت غلطي لدرجة اني تركت النت كله ما انكر اني حبيته لا حبيته وحبيته وللمعلوم للحين احبه لأنه عمر اللي يحب بإخلاص ووفا مايكره وجاي لي منه طفل يكون ولده شلون اكره ابو طفلي بس اللي يخليني اتكلم واشكي واقول كبريائي كمرأة تنجرح كرامتها إذا على الضرب هو يضربني صح وبعنف بعد بس بعدها اشوفه يجي لي ويتأسف ومدري شنو وكلام انا احبك بس ما ادري ليش اسوي كذا واني صابره لأنه اعرف هالشي مو إرادي اللي يسويه وشي نفسي انه يبي يطلع رجولته علي انا المصروف هو يشتغل في محل ومقدره ظروفه واللي ياخذه من المحل مو ذاك الزود ماعمري طلبت منه شي فوق طاقته وقلت له تعال يافلان اطلع واشتر لي ذهب وثياب وعطور لا بالعكس احاول قدر ما استطيع اني ما احسسه بهالشي بس اللي يقهرني انه لما اكلمع عن العمل واقول شوف لك شغله غير هالمحل تاخذ منه راتب أساسي كل شهر يعصب وهذا كله في جهه وانه يكلم بنات غيري في جهه ثانيه هذا اللي مو قادره استحمله من جد لو واحد غيره يقول وحده مثل زوجتي مقدره ظروفي واقفه وياي علىالحلوه والمره وماعمرها طلبت مثل هالبنات اللي يطلبوا من ازواجهم كل شهر سوق وصرف فلوس بالرغم انها كانت في بيت اهلها ماينقصها شي هو طبعاً يعرف اهلي والحمدلله الماده عندهم زينه ومايقصروا علي بشي حتى اول ماجا خطبني خالي قال له هالكلام وقال انا ماراح اقصر عليها وبخليها تعيش مثل ما اهي عايشه في بيت اهلها بس كل هالكلام ماشفته وانا للحين صابره بالرغم اني طلبت الطلاق منه بس هو مو راضي يطلق قلت يالله اصبر علشان اللي جاي في الطريق يمكن يكون قدومه خير وتتغير حياتي للأحسن والله قادر يغير الحال وبدعاكم انه الله يصلح حالي جزاكم الله خير .