اقتباس:
|
المشاركة الأصلية كتبت بواسطة الميترو
يحليلك ياغاليه تحسبين كل الناس مثل بيتكم ((يشترون رجال))
تعالي اقص عليك وعلى اخواني قصة اخوي الكبير لما تزوج!!!
بعد ماتخرج واشتغل وفتحها الله بوجهه (اخوي)من حيث لايحتسب قرر انه يتزوج
وانا اذكر في وقتها كان عنده فائض بحدو 300 الف ريال..المهم ذكرتله اختي صديقتها ومن جماعتنا
قال طيب اخطبوها لي بس المهر لايطلع عن 40 الف طبعا امي وخواتي استغربوا مو معقووله بنات فلان (بنت جلا وطلاع الثنايا محرر القدس رائد الفضاء فلان بن فلان)) قالهم شوفوا غير هالكلام ماعندي يبون الله محييهم وطبعا هو مو بخلا وانا كنت مقتنع بتصرفه!! المهم فعلا اهل بنت طلاع الثنايا طلبوا بس مهر 100 الف ريال ناهيك عن المصاريف الثانيه!! المهم ابوي واهلي قالوله عيب هذي بنت فلان ياخي لا تدفع حنا ندفع لا تفضحنا !! قالهم والا كلمه اقسم بالله مااخذها لو كانت اخر بنت بالدنيا..المهم بعدها شافوله وحده ثانيه وايضا المهر..لدرجة ابوي غضب على اخوي ((فضحتنا وسودت وجيهنا)) واخوي يبتسم ويقول يايبه راح يجيك العلم الغانم بس اصبرررر..المهم بعد كم وحده خطبوها اهلي حصلوا له وحده من جماعتنا لكن وضعهم المادي عادي جدا...وطلبوا مهر 30 الف تعرفين ياختي غاليه كم عطاهم اخوي مهر ؟؟؟ ويوم صار كتب الكتاب ووافقوا الطرفين فاجا اخوي الموجودين ودفع مهر 100 الف ريااااااااااااااااااال!! تخيلوا!!
والله هالقصه اخذت صداها بكل المجتمع اللي حنا فيه وفي المدينه كلهااا....وتعالي وشوفي ردة الفعل!!
الاهم من هذا كله اخوي كل يوم اشوفه الصبح وهو اسعد انسان وزوجته هذي ملاك وليست بشر بتعاملها وطيبتها حتى على صعيد الرزق والله اخوي يكسب الان اضعاف ماكان يكسبه حتى انه استقال من وظيفته واتجه للاعمال الحررررررررررررررره.
شاهدي من كل هالكلام .((اقلهن مالا اكثرهن بركه))
على فكره بنت ((طلاع الثنايا)) عمرها الان 31 سنه وماتزوجت الى يومك!! احتمال مالها يد بالموضوع يمكن اهلها بس اتصور قصة اخوي درس لكل ولي امر!!!
|
فعلاً ماضيعنا إلا نظرة الناس لنا ، وش بيقولون عنّا ، مانبي نتفشل ونصير أقل !
أحياناً أفكر وأقول : ليته بعد كل التعب يلقون السعادة إذا إجتمعوا تحت سقف واحد
وينتهي حب المظاهر والتكلف ، لكن للأسف اللي يحب المظاهر راح يتم طول عمره يشقى
لأنه رضى الناس غاية لاتـدرك والزوج المسكين يحسب إنه إذا دفع مهر كبير وزواج أكبر خلاص
بيرتاح مايدرى إنه متزوج إنسانه همها في الأول والأخير كيف تطلع أفضل من غيرها وهذي هي حياتها ..
شيء طبيعي إنه الواحد يهتـم ويتمنى يكون أفضل لكن مش على حساب سعادته وبيته وراحته .
لكن مثل مافيه كذا متأكدة إنه فيه بنات مُدركات ومُتفهمـات بأن الحياة هي حياتها والسعادة هي التي
ستجنيها إذا إقتنعت بكل مايقدم لأنها مقتنعة بالأول والأخير أن هذا رزقها وهذا ماكتبه الله
ولأني عندما كتبت ردي كتبته عن واقع فأغلب قريباتي لم أذكر منهن من حدد مهـراً ..
بالعكس اللي أشوفه إنه بعضهم من رد له والدها جزء من المهر وقاله إستفيد منــه في بيتكم ومصاريفكم
لذلك الحمد لله أشوفهم مبسوطات ومرتاحات ماشاء الله وفعلاً كانوا يشترون رجـــال
الله يوفق الجميع ويرزق كلٍ على نيته وأفضـل منها يـــارب ، ولا يجعل الدنيا أكبر همنـا .