الحزينه ان شاء الله مستنين البشري منك وتكوني فاتحه خير علينا
الزرافه ربنا يتقبل منك انتي وزوجك الحج باذن الله مغفور لكما ويجعله سبب في رزقكما بالذريه الصالحه في القريب العاجل ان شاء الله
عاشقه الطفوله امين يا رب يفرح قلوبنا كلنا فرحه قريبه ووالله انتو كلكو عسل وانا حبتكو قوي ربنا يجمعنا ان شاء الله واحنا بنشتكي لبعض من العيال وهمهم ونضحك علي الايام دي ونقول كنا مريحين ومروقين
ماسا الف سلامه عليكي انتي وزوجك وان شاء الله املك في ربنا كبير طمنينا عليكو
راميا ربنا معاكي ان شاء الله ويعينك علي حملك خدي بالك من نفسك وادعي دايما اللهم اني استودعك ما في نفسي انت خير حافظ وانت ارحم الراحمين
الامل البعيد ربي يرزقك الذريه الصالحه ويصبح املك محقق قريب ان شاء الله
فراشه هادئه اهلا بيكي يا فراشه اسمك يبعث الامل والفرحه ويا رب نسميكي قريب ام الفراشااااااااااات
سعود ربنا يديكي الذريه الصالحه عاجل غير اجل
indienne ربي يسعدك ويرزقك الذريه الصالحه ويريح بالك
مياااااااا ربنا يديكي ذريه صالحه تكون لكي قره عين
غموض السنين ربنا يخليكي انتي اللي سكر والله وطمنينا علي قريبتك عملت التحليل ولا ايه ربنا يفرحها ويفرحنا جميعا
كريستالا متنسيش تدعيلنا معاكي ربنا ما يحرم حد مننا الخلف الصالح
كوكار حبيبتي ان شاء الله يكون جوزك وصل بالسلامه والمباريات تكون ابتدت بس انا مش عارفه انتي عملتي الصبغه ليه ولن شاء الله متحتاجيش حقن ولا حاجه وربنا يكرمك في التلقيح ونسمع خبر حملك قريب ان شاء الله ربنا يسهل انا لسه مش عارفه لسه هشتغل في الكويت ولا في مصر بس انا لسه قدامي شويه ملحقتش استريح من المره الاولنيه وعندي امل ربنا ما يحوجني لمره تانيه وتيجي من عنده اما بالنسبه للنصايح بقولها لاي حد داخل علي مرحله علاج جديده خدي بالك من صحتك وبلاش مجهو عالي حتي لو قبلها لان الجسم بيبقي مجهد ابعدي عن التوتر وحاولي تهدي علي قد ما تقدري اشربي مياه وسوائل كتير مش اقل من 3 لتر يوميا واظبي علي العلاج اتغذي صح لبن وبيض وفاكهه وخضار طازج الراحه التاااااااااااااااااااااامه بعد العملي ومتستهونيش وتقولي انا جوزي في اجازه وتروحي وتيجي معاه وسلالم طالعه وسلالم نازله جمدي قلبك وانتي ان شاء الله هترجعيله محمله وربنا يكرمك ويوفقك ونسمع خبر جميل قريب
فلور ربنا يريح بالك ويرزقك ذريه صالحه عن قريب
يورنا حبيبتي شكرا علي المعلومات القيمه انا استفدت منها وان شاء الله هطبقها علي جوزي يمكن ربنا يجعلها سبب وربنا يكرمك انتي طيوبه قوي واكيد زي ما بتتمني الخير لغيرك ربنا هيديكي قريب ان شاء الله
دلوعه 24 الحمد لله انك اطمنتي التزمي بقي بتعليمات الدكتوره ومتخليش جوزك يضحك عليكي ويقولم ماتش ودي ولا ضربات جزاء خلي ربنا يسترها وان شاء الله تفرحي بخلف معافي وطمنينا عليكي دايما
بارشا يا رب يرزقك ويديكي بيبهات بارشا بارشا والادعيه بتاعتك جميييييييله ربنا يفرج بيها همنا ويرزقنا عليها ذريه صالحه ويجعلها في ميزان حسناتنا ويستجيبها مننا اللهم امين
حلمي قريب حمد الله علي سلامتك انا عضوه جديده ربنا يتملك علي خير ونفرح كلنا بالبيبي