صباح الفل على جميلات المنتدى و كل سنة و انتم بصحة و سعادة و ان شاء الله العيد اللى جاى كلكم معاكم اطفالكم فى حضنكم بأذن الله

مشاميشو انا يا سيتى متجوزة من 4 سنين و عملت مرة واحدة تلقيح بس اتعمل غلط عشان المساعدة بتاعة الدكتور بوظت الدنيا عشان بتدخل الناس بالفلوس انتى فاهمة النظام ده طبعا فيا سيتى انا سلمت العينة بتاعة زوجى الساعة 8 الا تلت يعنى كان المفروض اتحقن بعدها بـ ساعتين يعنى 10 الا تلت انا اتحقنت 12 و اتحقنت و مشيت على طول و نزلت اتمشيت لحد العربية و روحت بيتى فى زايد و الدكتور فى المهندسين و لما سالت دكتور تانى على ميعاد الحقن اللى اتأخر قالى كدة يعنى الحيونات زمانها ماتت يعنى اللى عملته راح فى الارض و الحمد لله على كل حال و كمان مامتى كانت زعلانة مع اخويا و اتحرق دمى فى الموضوع ده كمان يعنى سبحان الله ربنا مكانش رايد فى كل شئ و ربنا يستر بأذن الله المرة دى و بجد محتاجة دعواتكم كلها بأذن الله
و ان شاء الله اذا ربنا راد نتقابل لما ارجع و ان شاء الله شكلى كدة حرجع مع زوجى يوم 18 يناير و على فكرة زوجى مكتبه فى الضجيج يعنى قريب جدا من الفروانية
و انا ان شاء الله معاكم فى قيام الليل بس انا مع الاسف الدورة جاتلى النهاردة

برشا الجميلة ربنا يبارك فيكى و ان شاء الله تبتدى بعد العيد التلقيح التانى و ان شاء الله كل خير

الزاجلة ربنا يعيد الايام عليكى بخير و ان شاء الله ربنا يثبتلك حملك و يفرح قلبك برؤية مولودك باذن الله

باقى البنات دعواتكم بقى النهاردة فى وقفة عرفات و ربنا يتقبل منا جميعا

رب لا تذرنا فردا و انت خير الوارثين