صباح الخير عليكم جميعا و ان شاء الله يكونو مبسوطين اول يوم العيد كدة و الكل متهنى
احنا عندنا بقى لازم الناس تفطر فتة اللى هى عيش مندى بشوربة اللحمة و عليه رز و ثوم محمر بالخل و الصلصة الحمرا بيسموه التقلية و كمان تلاقو طول اليوم الجرارين ماشيين فى الشارع عملين ينادو جزااااااار و عربيات لم الفرو بتاع الخرفان و الجلود بتاعة العجول عشان تاخدهم و تبيعهم و تعمل بفلوسهم حاجات فى الخير و كمان الصبح لمة الناس فى جامع مصطفى محمود عشان صلاة العيد و العربيات اللى بتركن مكانها و الشارع يتقفل لحد لما الناس كلها تصلى صلاة العيد و تلاقى كل الناس اللى تعرف بعض و اللى متعرفش بعض الكل ماشى فى الشارع يقول كل سنة و انتم طيبين و تمشو فى الشوارع تلاقو العربيات نازلين يوزعو اللحمة على الناس المحتاجين و بيبقى المنظر العام جميل جميل
و بعدين الناس تتلم اول يوم دايما فى البيت الكبير "اللى هو بيكون بيت الجدود"
انا قلت انقلكم صورة للعيد الكبير فى مصر

مشاميشو انا يشرفنى اننا نتعرف على بعض و نكون اصدقاء فى الحقيقة و ان شاء الله ربنا يأذن لما ارجع نحاول نتقابل و يعود عليكى الايام بخير يا رب

حلمى الجميلة كل سنة و انتى طيبة و قولى للنونو ان خالتك بتسلم عليك و حتبعتلك العيدية و ياااا رب ربنا يكرمك و نفرح معاكى بقدوم ولى العهد

برشا كل سنة و انتى بصحة و الف عافية و ان شاء الله تكون مبرياتك ابتدت و نباركلك

ملوكة الجميلة انا زوجى لسة مجاش و ان شاء الله يوصل بالسلامة يوم الجمعة "هو واحشنى جدا جدا"

الفراشة الحلوة معلش عالجى حاجة حاجة و انا عارفة ان الواحد صعب يشيل الموضوع من دماغه بس حاول تشغلى نفسك على اد ما تقدرى و ان شاء الله نباركلك
و انا على استعداداتى لزوجى انا زينت البيت كأنى عندى عيد ميلاد و البالونز و كمان لفيت على عواميد السرير شريط من الورود اللى بتطفى و تنور و ان شاء الله حاروح اعمل شعرى قبل ما اجيبو من المطار و ربنا يفرجها بقى
بس مع الاسف حيكون عندى الدورة لسة و كمان اخواته مش حيتجمعو تانى يوم و حيتجمعو تالت يوم عشان يسلمو عليه يعنى لاااا مفر و ربنا يستر و يعدى الكام ساعة دول على خير

اندينا حبيبتى ياااااا رب بحق جلاجلك و عزتك نباركلك الايام دى و تفرحى قلبنا كلنا باحلى خبر يااااا رب و كل سنة و انتى بصحى و سعادة و ان شاء الله تكونى اتطمنتى على مامتك

رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة