المشاركة الأصلية كتبت بواسطة أميرة الشروق

الأخ الكريم .. ءايد الأخت ام يزن فيما قالته ..

مقترحات أخرى :

** الظفر عمره ما يطلع من اللحم مثل ما يقول المثل .. و كل شخص لابد يحن لأهله ! يعني ما تقدر تخلي البنت بعيدة عن اهلها لفترة طويلة (معنى طويلة يعتمد على تفكير زوجتك) .. فتحس انها تبي اي فرصة حتى تروح بيت اهلها ! بس انت تفاهم معاها انك تروح وياها بيت اهلها مثلاً كل شهر 2-3 أيام ..


** بالمستقبل لما بتطلع زوجتك .. خل تترك الأولاد عندك حتى لو اطريت تاخذ اجازة من الدوام ! أو اتصل لأحد من اهلك يجي يقعد عندك ! أو خذهم لبيت اختك او أمك لما بتروح الدوام .. فتحسسها انك قدرت تعيش انت و الاولاد بدونها .. و انها ما عادت نقطة ضعفك .. و بهالطريقة بترجع بسرعه .. خصوصًا لما تحن لهم ..

** شغلة أخرى .. صارحها و خبرها بمشاعرك عن خروجها المتكرر (في وقت اللي تكونون رايقين مو وقت العصبية او وقت اللي تكون توها راجعه ) .. يعني وقت اللي تكونون رايقين و تضحكون قول لها شوفي اشحلاتنا نضحك و نسولف و نعيش أيامنا مستانسين ! مو افضل من كونا كل واحد بديرة .. و و إلـــــخ ؟!

** خبرها انك تحبها و انك ما تحب تتركها أو تعيش بعيد عنها .. لكن كل مرة تطلع تروح بيت ابوها و تطول عندهم يوسوس لك الشيطان .. و انت ما تبي تستسلم لشر الشيطان (وخل بقية الأمر مفتوح يعني تترك التصورات لها عن معنى الكلام!)


** لا اعلم اعمار اولادك .. لكن يمكن تضطر تقعد بالبيت لما يدخلون الاولاد المدرسة !


الله يهديها و يرزقك طولت البال و الراحة ان شاء الله

اتمنى ان اكون افدتك واعتذر عن الإطالة



أميرة الشروق