أختي الفاضله (قهر)
الحمدلله ان المشكله ماكبرت
وحسبي الله على ابليس
اختي انا فيني منك وزوجي فيه من زوجك
انا ما اتحمل غلطات مثل كذا وزوجي عنيد
اختي الرجال يختلفون وزوجي وزوجك من نوع واحد
الي مثل زوجك ماينفع معاه انك تزعلين منه وتتجاهلينه وهو وراك
هو يومه يمشي وراك مو متفشل ولا له وجه ومستحي
تراه صابر وساكت ومنقهر منك
والدليل انكم رجعتو من سفرتكم من بكره
مواقف زي كذا ردة الفعل الافضل منك انك تصارحينه في وقتها
وباسلوب وانتي تكلمين رجال مو طفل تأدبينه وتعلمينه
تسألينه عن الي سواه وقتها وتتفاهمون وتنتهي المشكله وتوقف لهذا الحد
المواقف الي مرت علي وتصرفت مثل تصرفك الحمدلله تنحل المشكله بس بعد ايام نكد وهذا الي صار معاك
ومو كل مره تسلم الجره
والحمدلله انها سلمت معي المرات الي راحت وسلمت معاك هالمره
اختي باقي لك الحين مشكلة ان قلبك ما صفى
عشان كذا حبيبتي تعوذي من ابليس
كله والله من ورا ابليس
هو الي يذكرك بالصوره
كل ما ذكرتيها اختي تعوذي منه
لان الموقف اذا بقى في راسك اتفه كلمه من زوجك ممكن لا سمح الله تسبب مشكله
وافتحي صفحه جديده وانسي الي راح
وان شاء الله الايام الجايه تكون حلوه والله يسعدكم دنيا وآخره
وانا مع وحده من الاخوات الي ردو على موضوعك ان الوحده اذا زعلت المفروض ماتروح لبيت اهلها
الحين الطلاق في الشرع اذا تطلقت الوحده ماتطلع من بيت زوجها الا اذا خلصت العده
اجل وشلون بس زعل
ازعلي بس خليك في بيت زوجك
وعذرا على الاطاله بس لاني يا اخت قهر والله حاسه فيك ومريت باللي مريتي فيه