اختي ام وداد
بقولك مشكلتي لانها تقريباً نفس مشكلتك
انا يا غالية مثلك تزوجت وبدأت المشاحنات بين اهل زوجي واهلي
وكنت انا وزوجي في الوسط
والعناد كان بين امي وام زوجي
هذا تحرض ولدها انه يطلقني وامي تسوي نفس الشيء الله يسامحهم
وكان عندي ولدي عمره اقل من السنتين كان هو المظلوم بننا وفي الاخير ابوي قالي خلي جدته تربيه << شوفي القسوة
راح الولد عن جدته وانا عشت في عذاب جلس اكثر من 4 شهور بعيد عني واسمعه يناديني وانا قلبي يتقطع حسرة عليه
في الاصل ما بيني وبين زوجي اي شيء المشكلة بين الكبار
اخر شيء امي وامه كل وحده تبغى هي تنتصر على الثانية <<< خلوها حرب
وانا وزوجي وولدي هم الضحية
في الاخير قررت اني اكلم ابوي وقلت له اني برجع لزوجي وانا وياه نحب بعض وما بيننا شي
قامت الدنيا عند امي وما قعدت وقالت لا انا بنتها ولا اعرفها
المهم حزمت امري ورجعت لزوجي وسافرت له من بلد لبلد انا وولدي
واستقبلني زوجي استقبال ما اقدر اوصفه لك وكان لنا من بعض اكثر من سنه
المهم كنت افكر في الاخير في امي وكيف اغضبتها سألت شيخ قالي ما اغضبتيها ولا شي طاعة زوجك اهم
المهم انتهت الازمة وامي نسيت وصارت تحب زوجي كانه واحد من عيالها
الحين ولدي اللي كان معاي عمره اقل من السنتين الحين 13 سنه وعندي غيره الله يحفظهم لي
عارفه اني طولت بس حبيت اقولك امك تعنادك بس
ومسويه رجعوك لزوجك راح يقلل من احترامها
اعزمي النية وارجعي لزوجك حتى لو امك موجوده مو لازم تكون مسافرة وخليها امام الامر الواقع
راح تزعل فترة وبعدين تهدأ وخاصة لما تشوفك مبسوطه مع زوجك راح تنسى كل شيء
موفقة يا ام وداد
أختكــ/ الهدى10